掃呢頁CODE去手機

2014年12月31日 星期三

[FACE - 397] 天王點燈  M字女星開估 城城喪溝衞詩雅 2年 衞詩,郭富城,城城,MF,




真面目

天王點燈  M字女星開估 城城喪溝衞詩雅 2年

49歲舞王郭富城即將踏入 5字頭,半百人老心不老,繼之前網交多名𡃁模,包括「魔鬼胸」蔚雨芯、周秀娜師妹 Kabby等。最近又有一名 R小姐聲稱同城城秘密拍拖 3個月,更公開兩人露骨微信內容及城城露股照,講到似層層!

除了自爆做過短期城嫂, R小姐亦爆出對方同時力追一名 M字女星。本刊收到消息, M字女星原來係有「翻版熊黛林」之稱的英皇小花衞詩雅,可惜女方唔愛同圈中人拍拖,天王發力追足兩年,最後詩雅都冇受溝。

城城雖然有錢有面,不過成日撩人返城堡咁猴擒,唔係個個受㗎!







自從同熊黛林分手後, 49歲郭富城忽然愛上食散餐,除了偷運國產模葉熙祺斷正外,又先後在 Instagram網撩蔚雨芯、 Kabby及吳若希等,全部 90後好嫩口!

鍾意晒肌的郭富城,傳出向女仔發露股照,真係估佢唔到咁鬼馬!

衞詩雅同熊黛林人有相似但更嫩口,只得 30歲,難怪被城城睇中,更主動 follow詩雅的 Instagram。

12年聚會認識

雖然溝𡃁妹行為曝晒光,但城城見過鬼都唔怕黑,繼續向後生女埋手,點知又出事。日前一名日本留學生 R小姐向周刊爆料,指城城經常在微信傳性感照,又密密約上城堡短聚,一心想拍長拖的 R小姐覺得唔對路,拒絕人肉速遞上門。

R小姐更發現城城同時向其他人出手,當中包括 R小姐的朋友 M字女星。原來 M字女星就係 08年出道的衞詩雅,兩人只在 12年一個朋友聚會見過面,城城眼見對方同前度熊黛林有幾分相似,加上樣貌清純,即時關注詩雅的 ig,更出力狂追。

城城在《踏血尋梅》飾演中年警察,造型麻甩。

城城關注了《踏血尋梅》拍檔蔡潔,而女方亦唔避忌將二人合照放上網。

網上圖片

推咗同城城拍新戲,好在詩雅亦大把戲拍,包括同吳君如合作的《 12金鴨》和《巴黎假期》。

網上圖片

衞詩雅:檔期撞咗冇拍

R小姐在雜誌公開同城城的私訊內容,連錄音對話都有,激到城城經理人小美話保留追究權利。

《忽然 1周》圖片

城城早前接拍新晉導演翁子光執導的電影《踏血尋梅》,以天王身份向導演推薦詩雅,但附加條件係一定要有床戲,嚇窒一向唔多肯性感演出的詩雅,隔了一陣便以撞期為由推了該電影,最後由《香港仔》全裸護士蔡潔補上,城城亦即刻做嘢,在 ig關注蔡潔。

對於「有幸」被城城睇中,詩雅只承認曾被邀請拍《踏血尋梅》,「套戲之前係搵過我傾,但係我有其他嘢做,檔期撞咗,所以冇拍到,而其他嘢就暫時唔回應喇!」

後備夠搏

詩雅唔肯拍床戲而推咗唔拍《踏血尋梅》,後備補上的蔡潔則唔怕露,曾經喺《香港仔》入面全裸同曾志偉肉搏,床戲又點會難到佢吖?

背面全裸嘅蔡潔,同志偉激戰時七情上面。

蔡潔 13年代表墨爾本參加國際中華小姐,獲「最受傳媒歡迎佳麗」,現時簽約 Paco旗下,主力拍戲。

《蘋果日報》圖片

瞬間轉軚

被 R小姐爆大鑊後,城城現身無錫出席新戲記招,罕有唔接受任何傳媒訪問。

網上圖片

郭富城暗交 R小姐斷正後,一班之前同佢傳過緋聞的𡃁模即時割蓆扮唔熟,使唔使呀?

Kabby:「同佢唔熟,唔清楚佢係咪花弗,要問佢本人同佢身邊人先知!」

蔚雨芯:「大家只會傾工作,而且已經好耐冇聯絡。」

仙樂都:「以前都有跟他短訊,跟他好耐沒有聯絡。」



鍾意就快D Share啦!