全城熱爆的娛樂八封新聞 & 時事趣聞 & 生活 + 趣聞
天后祖兒平時好少親自出動掃貨，不過全知言早前喺聖誕節前就見到佢好罕有咁喺中環置地出現， Joey一支箭咁標入名店 LOEWE睇手袋。堂堂天后駕到，班 sales梗係唔敢怠慢啦，即刻安排 3個 sales貼身招呼， Joey要睇邊個要試邊個幾乎唔使開聲，望一望就有專人送到，駕勢㗎！ 全程容祖兒睇咗半粒鐘就買咗心頭好，全知言問 Joey買禮物畀邊個， Joey就話：「我買畀朋友啫，你哋唔識㗎！」斷估你都唔會買女裝手袋送畀劉浩龍咁絕啩？
天后駕到，咖啡奶茶奉上預咗，後面跟住幾個 sales貼身服侍先顯級數！
啲手袋逐個放晒喺度俾祖兒任睇任揀任試，班名店 sales都冇黑面，全程保持笑容。
難得 Joey喺置地出現，大班市民同自由行都企埋喺門口睇明星。
容祖兒一望個袋，已有專人擒高幫佢攞落嚟！
