網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月2日 星期二

「肉彈」袁嘉敏飛Paco 黐王晶搵食 袁嘉敏,黃柏高,Paco,王晶,




【自覺紅咗!】「肉彈」袁嘉敏飛Paco 黐王晶搵食

2014-12-02 14:05:00



行開性感,返唔到轉頭。(資料圖片)

現年30歲嘅袁嘉敏今年出演過吓幾套戲,算係衝上咗大銀幕,唔使再屈喺公仔箱,不過拍咗幾套裸露戲嘅袁嘉敏,早前被爆自覺紅咗,學人擺阿姐款,今日仲有雜誌爆袁嘉敏想同Paco提早解約,轉簽俾王晶,化身晶女郎,起Paco飛腳。睇嚟袁嘉敏想北上搵人仔咁喎!如果唔係又點會埋晶哥班?

據知袁嘉敏今年1月簽俾Paco旗下嘅太陽娛樂,真係多咗唔少大膽演出嘅機會,如拍《豪情3D》、《屍城》等,仲四圍放風嚟緊套新戲會全裸露三點上陣,係就係有機會,不過佢就自覺紅咗,經常態度差,搞到好多同事唔滿意佢,當時拍《豪情3D》話露又反口,杜汶澤都有投訴佢,不過袁嘉敏死撐片酬未夠,佢唔會犧牲全裸;拍《屍城》焦點去咗安志杰同Jessica C.身上,搞到袁嘉敏要露半球走奶「搶焦」。

據報道表示,Paco其中一位拍檔股東睇佢唔順眼,想cut佢job,拍檔股東要求Paco減少袁嘉敏出宣傳同見報嘅機會,袁嘉敏都算係「醒目女」,見勢色唔對想立即走人,計劃同Paco解約轉簽俾王晶,趁拍新戲嗰陣,喪黐王晶博「過檔」,報道都有訪問袁嘉敏,佢就幫王晶托晒大腳,話王晶好俾機會佢,一路對佢好好,不過強調王晶尊重佢同太陽娛樂嘅合作,冇搵佢簽約。

袁嘉敏喺報道又話,計埋係陳可辛嘅電影公司做發行開始,喺影圈11年,佢都有聽過人哋俾意見,不過佢就覺得唔work,因為自己唔係新人,言下之意,即係決定繼續我行我素。



鍾意就快D Share啦!