【短片】【Eason祖兒都唔玩】TVB跪低 唔使簽約 都可以出席頒獎禮
2014-12-02 01:36:00
「霸權」有咩後果?可能最後咪就係孤立自己，大台霸道唔係今日嘅事，早年同五大唱片公司不和，造成今日樂壇人才凋零的其中一個因，本以為自己自組唱片公司「星夢娛樂」，肥水不流別人田，自己玩「單機」，谷星派獎一條龍，結果係點？星又谷唔起，咪愈來愈冇人睇囉!O依家係互聯網年代，自己玩「單機」有乜後果？最後都係要死死氣「改革開放」，今日TVB一班高層就出席活動，宣佈今年個頒獎禮，一班歌手唔需要同TVB簽約就可以出席﹗係咪因為盛傳祖兒會缺席頒獎禮而影響？大家判斷啦!
星夢娛樂CEO何哲圖今日就首先鋪陳話，TVB喺呢一年入面做緊改革，好似Music Cafe都轉咗format，話TVB想再多啲歌手都可以參與到佢哋平台推廣音樂咁話。
TVB副統籌經理陳家揚就話:「TVB好支持，無論個市場係點，想做多啲音樂，前嗰幾年少咗好多歌星特輯，會做番多啲...另外一樣嘢就係，公司都傾過，我哋應該由10月1號開始，我哋唔需要歌手簽約，即係我哋歡迎所有歌手一齊合作，用力咁去推動樂壇，盡量出多份力啦，做返一向以來好嘅樂壇，請多好多實力歌手，我哋最快嘅時間，12月21號，有勁歌第2回優秀選，所以想清楚啲，由監製話俾大家知，啲歌點樣選出嚟。」
監製麥鎮東話:「今年全年收到歌曲差不多200隻，我哋機制好簡單，只要挑戰又上到榜，就有資格提名，會選出20隻，會做民調同TVB FUN，完全公開，冇內部投票，得到獎嘅歌我哋希望有歌星出席，唔出席嘅話，會交比下一個位置。」哦！即係點都要出席先有獎攞！
陳家揚就搶答：「呢個要補充，我哋真係好想支持樂壇，掉轉嚟諗，都希望歌手支持返樂壇，我哋如果比咗個獎佢，佢哋有理由唔出席，我哋都可以俾下一個囉，應該一齊做嘅嘢，如果唔係樂壇就好似得個講字。」拎推動樂壇做擋箭牌，其實咪又係有出席先有獎攞囉!咁所謂嘅觀眾投票為咗乜呢?
大台封殺得人多，封到人人都唔出席時，o依家又要「改革開放」，咁o依家人哋都唔一定要上你個節目嘅。
大台監製麥鎮東(左)，高層何哲圖(中)，副統籌經理陳家揚(右)
|
鍾意就快D Share啦！
|
|
|