熱爆娛樂: [忽然1周 - 1016] 遭王征上下其手　姜皓文唔受溝被迫走姜皓文,王征,MW,

2015年1月16日星期五

[忽然1周 - 1016] 遭王征上下其手　姜皓文唔受溝被迫走姜皓文,王征,MW,

12/1捕獲王征

王征周一到荃灣如心廣場。發現記者後，即示意保安攔截記者。

滾熱辣

遭王征上下其手　姜皓文唔受溝被迫走

亞視前藝人梁景煌（ Tommy）上周獨家向本刊控訴王征「玩完即棄」，引起極大迴響。但原來王征不止對嫩男有興趣，連對五十歲的「黑哥」姜皓文亦十分「欣賞」。

據知事件發生在 2012年的北京，當晚目擊的「亞視嘟姐」筱靖，亦向本刊證實：「現場睇到，都覺得驚訝！」

本周一（ 12日），「潛水」多日的王征現身荃灣，卻拒絕回應與梁景煌的關係，當聽到被指曾向姜皓文抽水，更快閃避談。王征的私生活，似乎愈揭愈亂。

其他影片：>>「亞視嘟姐」力證摸過姜皓文　王征聞黑哥即閃

姜皓文近日拍攝吳君如投資的《金鴨》，飾演其中一名「鴨仔」。現實中，他守身如玉，因而得罪人，冇得留喺亞視。

王征的目標除了星光幫及亞洲先生之外，原來對 man爆的黑哥姜皓文亦十分「欣賞」。早在 2012年中，亞視在北京搞「掟壽包」台慶，所有藝人在台上作最後綵排時，王征以老闆的身份上台，為台上藝人打氣加油。

當王征行到姜皓文面前時，主動伸出雙手要求與他握手，姜皓文伸手後，王征卻緊握不放，更愈握愈上，摸到姜皓文上臂，同時又發出連串讚嘆聲。姜皓文當下心知不妙，先面露不悅，後來借故走開。

姜皓文遭減薪

「事後亞視好多人都話王征暗戀黑哥。不過黑哥當眾唔俾面彈開，有人梗係唔開心。據知黑哥後來傾續約時，亞視竟然減佢底薪，黑哥都知係邊個落嘅命令啦，咁 2013年完約時佢咪局住走囉。」知情者說。

本刊就上述事件求證姜皓文，他透過經理人表示：「同王征係點頭之交，冇一齊工作過。（佢台慶當晚握手好熱情吓喎？）完全冇印象。」明顯不欲多談。

不過，一向敢言的「亞視嘟姐」筱靖，不但當晚目擊王征摸姜皓文的經過，更暗寸對方。「我喺現場睇到，都覺得驚訝！（覺唔覺得有人抽水？）我諗王征份人『太熱情』啫！」

梁景煌指王征對佢「用完即棄」，周日（ 18日）他將出席活動，相信屆時他還有新料爆。

「亞視嘟姐」筱靖《蘋果日報》圖片

王征避談黑哥

自爆出桃色事件後，王征一直未有現身。原來他近日仍在香港風花雪月，雖然亞視欠薪，但其心情不受影響。

本周一（ 12日），本刊發現王征由中環乘的士抵達荃灣如心廣場。記者詢問他與梁景煌的關係，他一概否認：「沒有（親密關係）！（梁景煌話你用合約引佢同你發展關係？）沒有，我都不知道甚麼事。」當記者問他有否摸過姜皓文，王征面色一沉，急步走入酒店大堂，拒絕回答。

聽到記者問及姜皓文，王征加快腳步走入酒店大堂。

台慶摸黑哥

2012年亞視在北京搞台慶。綵排時，王征當眾同姜皓文握手，不單雙手握實姜皓文，更愈摸愈上，不停發出讚嘆聲。

當晚在鏡頭前，姜皓文表現如常，十分專業。

王征周二（ 13日）在微信發了一條訊息，話亞視設立了一條「 24小時支持熱線」，騎呢至極。

now搵梁景煌爆料

梁景煌上周爆料後，出王就組織亞視男藝人，上梁思浩周四（ 15日）主持的 now節目《娛樂審死官》，為自己澄清。不過原來純屬誤傳，該集其實只是由自言曾被王征摸身摸勢的星光幫「班長」李明憲做嘉賓，與主持梁思浩及盧覓雪大談中、日、韓等地男女藝人被性騷擾的問題。

now當然也想邀請梁景煌上節目。節目監製 Jimmy表示：「有叫班長（李明憲）搵梁景煌，不過梁景煌唔喺香港。如果佢應承上嚟，我哋會考慮做多一集。（有冇聯絡過王征？）冇。（亞視有冇叫男藝人上你哋節目為王征澄清？）傳媒講啫。」

梁景煌周日將返港，出席首個自他爆料後的公開活動，預計他屆時繼續有料爆。似乎王征今次真係黐嫩男黐出禍，𤓓事陸續有來。

性感胸毛

姜皓文與太太金慧英結婚十多年，晒幸福之餘，一身性感胸毛，盡現 man爆一面。

離開亞視後，姜皓文轉向影圈發展，他在《風暴》中更與劉德華有不少對手戲。

梁思浩主持的《娛樂審死官》不時找藝人爆料，早前陳彥行亦曾在該節目中，大爆富豪飯局秘聞。

亞視欠楊玉梅九千蚊

除了亞視員工尚未收到 12月人工外，楊玉梅也是苦主。原來她去年 7月曾回亞視主持《女人不設防》（圖），但至今仍未收到約九千元的車馬費。

她表示：「亞視本身員工都冇糧出，又點會出俾我呀。我舊年 8月追過，當時話會計放大假要時間搞，搞吓搞吓就冇咗件事。我呢啲係 part time，係『街數』，就算清咗盤都唔輪到我喇。」本刊曾致電葉家寶查詢，但截稿前未有回覆。