【踏入3字頭】Miki性感露背 Ready男友生日求婚
2015-01-16 07:38:00
(攝影:陳慧安)
溫碧霞同楊愛瑾(Miki)噚晚喺尖沙咀出席品牌開幕禮，溫碧霞就話自己細個開始已經想做設計師，o依家想讀返個course，細個到o依家未停過拍戲，最近又開咗個工作室，剛啱拍完宣傳片，叫《愛在深秋》，搞緊另一部電影，其實我好enjoy做電影，想喺電影上面多啲貢獻，新戲都諗咗2個故事，其中一個係3個女人嘅故事，覺得女性故事好好睇，戥香港女仔唔抵，香港係由男性電影主導，希望女演員有多啲機會。」
Miki就罕有咁性感露背，仲中門大開，佢話做足安全措施，連坐低都唔得，因為好危險好易走光，問佢係咪男友郭永淳出聲明令佢可以衣著都大膽啲?佢話:「其實出左聲明之後係好感動，最開心身邊朋友支持，好似公司一啲客戶咁，都知道邊啲人係愛我。」係咪覺得地位受肯定?佢話唔關事，著性感衫只只係襯返個活動，因為已經大個女，問係咪進入人生另一個階段?佢話:「係人生另一個字頭，同2字頭講拜拜。」
Miki係2月情人節生日，佢話未plan生日點過，年年都係同朋友過，希望留返啲驚喜。係咪只同男友過?佢話 :「Open嘅，同咩朋友都唔介意。」男友到時求婚有驚喜?佢話:「如果真係就好驚喜。」係咪已經有晒心理準備?佢話:「係Ready，都開始大個，從以前拍劇，各方面，到o依家學金融，今年都係挑戰，呢個範疇未接觸過，希望喺呢度努力。」又笑言自己似雙面人，有兩個性格。
溫碧霞
最近男友發聲明力撐，Miki當然感動。
幾性感喎!
Miki就罕有性感露背
|
鍾意就快D Share啦！
|
|
|