日前 Coffee同新歡 Joseph現身中環，二人認識近五個月，近期才開始約會。
探熱針
冇做上海嫂 Coffee拖金融新歡蒲 ifc
一「廁」成名的 Coffee林芊妤，早前獲江湖人物「上海仔」郭永鴻寵倖為她開派對慶生，之後壽星女更榮升馬主，以為做硬「上海嫂」，點知馬匹突然易主，「上海仔」自己要番。
唔做上海嫂，一樣有市場！本刊記者發現 Coffee連續兩日與一名做金融的四眼男約會，孖住去 ifc拍拖睇戲， ifc殘廁 gathering陰影，冇有怕！
爭俾錢
同闊少在 ifc殘廁 gathering半小時，換來大台解約大信封的 Coffee，似乎對這塊「傷心地」情有獨鍾；本刊記者日前發現她與一名年輕男士拍拖到 ifc睇戲，只見 Coffee頻頻撥弄秀髮放電，男方笑晒好受落。
翌日，二人又見面，孖咇去九展睇鍾舒漫主演的舞台劇《靜夜飛翔》。 Coffee除了預早向大會留定當晚飛，又爭俾錢。完騷後，二人搭的士去九龍城醫肚，撐枱腳期間， Coffee啟動發電機，不時向對方展示冧笑。
「個男仔叫 Joseph，喺美國讀完書返嚟，做緊金融業， Coffee係經轉咗行做金融嘅落選港姐胡中慧介紹佢識嘅。最初 Joseph唔知 Coffee係藝人，見佢靚女所以主動抄牌，追咗 Coffee都有幾個月。」知情人說。
有待觀察
向 Coffee求證新戀情，她直認與 Joseph處於約會階段。
壹：壹週刊 C： Coffee
壹：影到你同個男仔連續兩日去街，拍緊拖？
C：觀察緊，朋友介紹嘅，未發展到男女朋友。
壹：點解要觀察？
C：吸取過去經驗，以前有感覺就唔理三七廿一，而家大個咗，會睇吓係咪夾先一齊。以前好講感覺，唔理其他因素，唔理佢係咪老實，而家睇定啲先，唔知係咪因為有陰影呢！
壹：有陰影仲去 ifc睇戲？
C：呀，哈哈！你哋咁都影到。佢喺外國返嚟，唔知我發生過咁嘅新聞，嗰日係佢 book飛。點知佢話去 ifc，我問佢可唔可以轉地方，之後同佢講埋原因，佢話唔緊要啦，已經過去， never mind。
壹：你哋識咗幾耐？
C：識咗四、五個月，前後約咗我三個幾月，次次到尾我都唔得，佢失望咗好多次，我以為佢會嬲，但佢繼續約我，覺得要俾次機會佢。我有同佢講，我唔鍾意同有老婆、女友嘅男仔做朋友，佢話如果佢有嘅話，就唔會花咁多時間約我。
|
鍾意就快D Share啦！
|
|
|