馬詩慧趷高腳伸晒手調校射燈角度， Kayla就喺外面睇效果仲影低相，分工合作。
同你吟一吟
馬詩慧肉緊睇鋪
唔少藝人鍾意搞生意搵後路，真金白銀投資又好，借個朵出嚟做生招牌又好，最緊要係路數多，「嬸」胡椒粉咁，希望累積財富。半唐番王敏德就有啲唔同，佢打開門口做生意，打正旗號做自家品牌 MICHAEL WONG，有名有姓，明買明賣。
喺銅鑼灣嘅新鋪已經開始試業，頭威頭勢，老闆娘馬詩慧一得閒就去巡鋪，幫吓老公眼。上星期二（二十三日）下晝三點，馬詩慧喺時代廣場附近買咗包雞蛋仔，一路咬住行去耀華街老公間鋪頭，早排被爆喜歡同性嘅大女王曼喜，亦一早到咗。
兩母女喺鋪頭入面摸吓呢度嗰度，又將架上面嘅衫轉吓位，執完就專登走出外面櫥窗，睇吓效果好唔好，十分認真。王敏德夠膽擺自己上枱，仲有 Rimowa呢類級數嘅品牌一齊玩 crossover，王太同王大小姐，幫頭幫尾，肉緊啲都應該。
|
鍾意就快D Share啦！
|
|
|