阿媽用二十幾萬鱷魚皮 Kelly Bag，關之琳拎 Fendi Peekaboo，四萬二，平好多。
同你吟一吟
關之琳鱷魚 Hermès敬母
關之琳同台灣富商陳泰銘拍拖多年，外界一直關心佢究竟幾時嫁，最近又傳出大美人會喺 15年畫龜做陳太，連好友鍾楚紅都承認話聽到啲嘢，但唔講得。
點都好，反正打風打唔甩！同男友拍拖出席劉嘉玲 49歲生日晚會嘅關之琳，上星期三（十二月二十四日）又坐住陳泰銘名下嘅 Benz S500出動。
喺皇后大道中落車，關之琳上咗一幢商業大廈，半個鐘後，《壹》仔見到佢媽咪張冰茜，坐住大美人架車到，兩母女喺大廈逗留接近兩個鐘，再一齊落樓，一人一車，分頭離開。
嗱嗱嗱，大家咪誤會，關之琳今次唔係去洗牙，更加唔係睇腦科，照八珍了解，是日佢係約埋媽咪去做保健 treatment。做孝順女，除咗睇實老人家健康，關阿媽手上個 Hermès鱷魚皮 Kelly Bag，要廿幾萬，關之琳自己，蛇皮 Fendi Peekaboo，四萬鬆就有交易。好嘢，留嚟孝敬老媽子。
|
鍾意就快D Share啦！
|
|
|