[壹週刊 - 1296] 麥玲玲廿蚊買人心 麥玲玲,M1,

店員幫忙拎嘢上車，係咁意醒二十蚊。

同你吟一吟

麥玲玲廿蚊買人心

做生意有旺淡季，睇風水一樣！臨過農曆年前兩、三個月，新客舊客爭崩頭，一定 over book！早個禮拜，《壹》仔喺九龍城見到忙到甩髀嘅麥玲玲，坐住架掛中港牌嘅波子，同助手一齊落咗永富買嘢。

又生果，又蘋果雪梨水，買到要店員幫手攞上車，其間麥玲玲幾乎冇停過個電話，全程快買快閃。

店員做阿四，麥玲玲係咁意打賞廿皮，行出門口見到《壹》仔，又即刻掹多卅蚊出嚟，叫人包多兩支雪梨水，送俾《壹》仔潤喉。

就算有過睇錯羅庚大笑話，麥玲玲一樣有人幫襯，可以年年出運程書；有幾準，唔知，但肯定好識收買人心；人夾人，醫生係咁，風水算命嘅，都係。

等店員包生果，麥玲玲冇停過講電話，大忙人！

見到記者，麥玲玲好客氣，請《壹》仔飲雪梨水。

鍾意就快D Share啦！

下一篇 》