黃翠如背楠友韓國攬仔
余詠珊「愛將」黃翠如雖然近期被指失勢，但其實早已獲委以重任，遠赴韓國與男團god成員Danny（安信源）合作拍攝浪漫愛情劇《七天的浪漫》，地位穩如泰山！經常與男友蕭正楠晒恩愛的她今次奉旨攬仔，為這部港韓合作重頭劇擔大旗！
凍到震的黃翠如不忘砌雪人自娛。
黃翠如與Danny於雪地拍海報，拋雪球浪漫滿Fun！
最近有指無綫女神「翠如BB」黃翠如失勢被雪，但她日前原來已遠赴韓國首爾拍攝劇集《七天的浪漫》，令謠言不攻自破，可見她依然獲器重！無綫非戲劇製作總監余詠珊被問到會否幫翠如安排特別戲份讓她有所發揮，余詠珊說：「今次劇本係由韓國製作方提供，本身有一場戲需要佢着泳衣落水，我哋都拒絕咗。唔想佢太辛苦同埋想保護佢形象。」對翠如愛護有加，看來一日有余詠珊撐腰，一日都有發圍機會！
耗資二千萬港元
這部只有五集的短劇於港韓兩地拍攝，由韓國KBS電視台、CMB有線電視台及無綫電視合作，耗資二千萬港元拍攝。今次合作源於上次KBS與無綫合作的劇集《愛情來的時候》在當地播出後反應不錯，加上KBS將於5月慶祝50周年台慶，《七》劇將於屆時播出。無綫方面仍未落實播出日期，但不會同步推出。
翠如於劇中飾演香港攝影師，與韓國男團god成員、扮演韓國巨星的Danny（安信源）演情侶，雖然翠如已名花有主，與蕭正楠愛得高調，但今次卻奉旨溝仔親熱，與Danny又挨又攬！翠如受訪時說：「其實劇中親密戲唔多，都拍晒喇！」她又表示當地天氣寒冷，在雪地拍攝時「包到成隻糉」：「拍攝時間好緊湊，一落機就拍，冇乜自由時間，每日瞓得兩、三個鐘都幾辛苦，但全Crew人好專業，幾部Cam一齊Take，拍得好快好順利！」
激讚對手值得愛
提到語言不通，翠如指事前要背定對方所有對白，好讓拍攝時畀反應：「喺劇入面佢講韓文、我講中文，但大家識聽對方語言。」她亦不怕男友呷醋，更激讚Danny：「佢識英文，我哋溝通到！佢好Nice，最搞笑係一到埗就要拍浪漫場面，當時完全唔識對方，好彩拍完熟落咗，之後好有默契！」
另外，CMB電視台已不停宣傳及拍攝花絮，翠如以廣東話暢談拍攝感受：「劇中我同好多女仔一樣，感受過愛情嘅魔力，經歷過失戀嘅痛苦，我會將呢啲感覺投入番落角色。今次係好好嘅交流機會，仲發現Danny係好值得愛嘅男人！」
凍到震的黃翠如不忘砌雪人自娛。
黃翠如與Danny於雪地拍海報，拋雪球浪漫滿Fun！
|
鍾意就快D Share啦！
|
|
|
