諗過讀傳理系嘅 Sabrina最後揀咗英文系，上年暑假仲去咗波蘭 exchange，「去咗近三個月，喺當地教小朋友英文，雖然未知自己畢業後做咩，不過呢個經驗好寶貴，好難忘！」
U花 U草
寧願唔住 hall 理大妹黐實孖生家姐
范瑋琪（范范）同陳建州（黑人）出晒名係模範夫妻，上個月生埋一對孖生 BB，日日 fb狂晒相晒幸福， sweet到俾傳媒封黑人做「炫娃狂魔」。
好事成雙，有得同孖生兄弟姊妹玩梗係開心，同樣有個孖生家姐嘅張蔓莎（ Sabrina）亦同家姐好老友，唔使開聲都 feel到對方諗咩，靚衫又可以一齊着，難怪讀緊理大英文系 Yr.3嘅 Sabrina有出名好玩嘅理大宿舍都唔住，寧願返屋企陪家姐。
Sabrina家姐讀得演藝， Sabrina自然有一定演藝天份，「我之前做過話劇，有時劇本有問題都會請教讀演藝嘅家姐，加上我哋都好鍾意音樂，以前都參加過唱歌比賽，入到大學仲開始寫歌，雖然自己識少少鋼琴同樂理，但家姐就有鋼琴八級，所以通常我寫詞同作咗個旋律，就會畀家姐編曲，令個層次再豐富啲，平時一有時間就係喺屋企 jam歌，佢演藝有功課要諗 idea又會一齊度，晚晚臨瞓前都一定要 update對方今日發生咩事先瞓覺，見到家姐就好安心好舒服！雖然成日聽人講住 hall好繽紛，不過我寧願靜靜哋同家姐喺屋企寫吓歌傾吓偈，做自己想做嘅嘢！」
|
鍾意就快D Share啦！
|
|
|