熱爆娛樂: 劉青雲挑戰發哥 [忽然1周 - 1023] 發哥,青雲,劉青雲,周潤發,MW,

2015年3月6日星期五

呢日，青雲買完麵包出嚟，雖然見有人影相，仍然友善一笑。差在唔似發哥愛 selfie。

劉青雲雖然貴為影帝，但佢同周潤發一樣，作風低調之餘，又鍾意喺九龍城出沒。嗱，呢日果然又喺九龍城捕獲劉青雲同佢太座郭藹明嘞！當日佢哋喺一間好出名嘅法式麵包店買咗幾個麵包，睇嚟係買返屋企享受下午茶時間！

話說青雲依然一件 zip up外套，媽咪姐再諗真啲，就記起呢個場景似曾相識喎。係嘞，今年一月，呢對結婚 17年如一日嘅影帝夫婦，又喺同一個門口俾媽咪姐野生捕獲，青雲個 look仲要差唔多一模一樣㖭。所以話講演技，講專一，講親民，青雲絕對係唯一可以挑戰「民間特首」發哥嘅人選呀！

17年如一前年 2月

今年 1月

青雲同結婚 17年嘅郭藹明成日喺呢間高級麵包舖買麵包，食包品味同對老婆一樣咁專一。呢度最出名嘅蘋果裸麥包，細嘅$23，大嘅$41，對影帝嚟講，濕濕碎

劉青雲同郭藹明喺麵包店揀心水麵包，兩公婆有商有量！影圈「模範夫妻」之名唔係白叫。

《蘋果日報》圖片

鍾意就快D Share啦！