全城熱爆的娛樂八封新聞 & 時事趣聞 & 生活 + 趣聞
其實吳佩慈已經孭住個大 Hermès，唔明點解係要箍多個細 Hermès喺囡囡度？查實呢，母女唔係靠袋認㗎。
以下內容有驚嚇成分，媽咪姐呼籲各位將為人母嘅準媽咪唔好被嚇親！話說那些年「少女標本」吳佩慈係 9頭身美女，但自從舊年同富商男友紀曉波生咗阿女小蕊蕊之後……有啲嘢真係改變咗。
前排見吳小姐又帶咗囡囡去銅鑼灣鳩嗚，先去利園掃童裝，再去誠品掃書。佢同同行兩位助手都戴晒口罩抗流感，不過焗咗成日，要除罩唞吓，先，先發現……女神肥咗，腫咗，走晒樣呀……唔係有呢兩個粉紅名牌包包做記認，真係認佢唔到㖭！原來對某啲媽咪嚟講，包包同靚衫真係身份嘅象徵！學前 B嫂章小蕙話事齋：飯可以唔食，衫一定唔可以唔買！睇吳佩慈行步路都𥄫實個 Hermès，你懂的。
一拉低口罩，嘩！做乜咁腫？ Keep吓啦阿女。
吳小姐有兩個助手跟身，但唯獨唔見男友紀曉波，惟有時時攬住個女，都辛苦㗎。
