B餐榮升老闆娘 謝安琪孖經理人北上開餐廳 [忽然1周 - 1023] 謝安琪,MW,

幸福三人行

大年初四，謝安琪與老公張繼聰及囝囝張瞻到屯門娘家拜年，雖然面對鏡頭笑得好開心，但對記者所有提問都三緘其口。

娛樂喧

B餐榮升老闆娘　謝安琪孖經理人北上開餐廳

A餐與 B餐這話題講足幾年，當年好多人都揀 B餐「 50萬加謝安琪」。不過謝安琪身家已今非昔比，早前簽了內地公司華誼兄弟，唔止發展內地市場搵人仔，本刊收到消息，她與經理人夏森美今年更會合夥進軍內地飲食業。

夏森美亦承認開餐廳真有其事：「大概會喺今年中，係間西餐廳嚟嘅，不過開第二間先會預 Kay！好快！」睇嚟日後要改口，唔好再叫謝安琪做平民天后，要叫老闆娘了。

其他影片：>>北望神州　謝安琪內地開餐廳吸金
>>張繼聰當面煲煙　謝安琪按摩囝囝補數

合作無間

多年來夏森美都陪伴謝安琪左右，二人共同渡過不少難關，有福當然要同享，所以開檔搞食肆，都預 Kay一份

過去 10年，謝安琪一直默默耕耘，不斷推出扣人心弦的歌曲，再加上賢妻慈母形象深入民心，令她去年大豐收，除 job接 job外，亦橫掃多個頒獎禮。早前更踩入公仔箱拍電視劇，今年更會舉行入行 10年的巡迴演唱會，以答謝揀 B餐的歌迷。

隔空睇舖位

謝安琪為拍劇集過着日夜顛倒生活。據知情人士透露，謝安琪今年還有意欲沾手商界，「 Kay呢幾年密密做都真係儲埋唔少，囝囝張瞻開始大個，使錢好似倒水咁，雖然老公張繼聰近年好勤力搵錢，不過全家嘅經濟支柱始終都落喺 Kay度。佢曾經想過搞生意，趁有人氣搵多啲錢，但又驚俾人呃，所以遲遲都未實行。不過佢經理人夏森美，識得人多搭好晒天地線，嚟緊佢會返內地搞飲食業，搵咗幾個人夾份投資 7位數字。前排夏森美去廣州睇完舖，影咗好多相同拎咗成疊資料，逐樣同 Kay講解，睇嚟佢哋嘅合作已經成事。」有經理人夏森美做幕後軍師，謝安琪也就可以專心幕前演出。

舞台功架

2013年 12月，謝安琪參加「中國超音比賽」，其中一場演唱林俊傑〈她說〉，獲一致好評，個人得分高達 9.91，成全場之冠。

古裝美人

謝安琪 13年以女主角身份與周海媚、呂頌賢合演的國內電影《敦煌傳奇》，成功打開通往內地之門。

老闆娘夠號召力

過去香港藝人北上搵人仔，都會主力做登台和商演，如要涉足內地飲食市場便須過五關斬六將，人脈及交際手腕缺一不可。據知夏森美曾在廣東省多個地方睇舖位，最後選中廣州一個超大型商場內一個佔地七千呎的舖位，雖然尺寸超出預期。但當地人流多，加上謝安琪做老闆娘，有她做生招牌，預計大收旺場。餐廳將於今年 6月左右開張。

對於合作搞食肆，夏森美表示：「呢間係西餐廳，因為已湊夠人（股東）喇，等第二間先預 Kay好快！我係有同 Kay提過想搞生意，佢都話有興趣嘅。由構思到親自搵地方做材料 research，我都用咗近兩年時間，冇信心我係唔會實行嘅。生意始終係有風險，到時有得賺，開第二間會叫佢（ Kay）入股，應該會好快。」

歲晚又新年忙到甩轆，謝安琪依然抽時間享受家庭樂。在剛過去的年初四，她便舉家回屯門娘家拜年，還非常親民地到商場閒逛買麵包嘆貢茶。對孖經理人廣州開餐廳一事，她表示：「唔好意思，我真係唔答得你哋問題。如果要問我問題就要約訪問先得喇！」其實開餐廳都係開心事，同大家開心 share先可以做到宣傳嘛！

買平民麵包

拜年後，謝安琪一家三口在商場餐廳買麵包，平民天后去到邊都有好多 fans包圍影合照。

夫婦同心

除謝安琪封口不做回應外，張繼聰亦對記者耍手示意不做任何訪問，急步上車離去。

安全駕駛

由於車上還有囝囝張瞻，所以張繼聰駕車返回大埔寓所時，全程都以安全車速行駛。

孖住開檔有錢賺

藝人同經理人孖住開檔做生意真係有得賺。早在 01年舒淇孖住文雋搞火鍋生意；而 EO2成員 Eddie同經理人簡文滌，孖住開的華星冰室亦已開到第三間分店，去年尾更以華星客棧進駐西環。

寧記麻辣火鍋

睇中香港人喜愛食火鍋，由舒淇、文雋、王晶等人在 2001年開設的麻辣火鍋，至今到晚市時間依然大排長龍。

Low B Club明星二手店

首間以明星藝人二手服飾做招徠的時裝店，老闆是阿 Sa（蔡卓妍）與經理人 Mani， 2003年開舖至今仍有大批捧場客。

華星冰室

Eddie@EO2與經理人簡文滌 5年前投資華星冰室，已在港九開設共 3間分店。去年 12月再以私房菜作招徠的華星客棧進駐西環，朱慧敏亦加入做股東。

鍾意就快D Share啦！

下一篇 》