網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月25日 星期三

剪短髮有運行 日版蔡思貝捱 10年做女一 [FACE - 409 - 外地娛樂] 蔡思貝,MF,



今年 23歲,剪咗一頭短髮的玻瑠,睇落有幾分似近年被大台力捧的蔡思貝。其實波瑠 10年前已入行,拍過好多戲、又唱過歌兼做模特兒,多材多藝㗎!

東瀛團

剪短髮有運行 日版蔡思貝捱 10年做女一

靚女唔一定要長頭髮,一頭清爽短髮分分鐘仲引死仔。好似大台最近力捧的蔡思貝,唔只成為港男新寵,連影帝張家輝都搵佢拍新戲。

香港有蔡思貝上位,而最近日本亦有個同蔡思貝好似樣,名叫波瑠的㗎妹彈起。 23歲的波瑠,跟蔡思貝一樣剪了一個清爽短髮,不過波瑠就冇蔡思貝咁好彩,一出道就被力捧,而係捱足 10年後,最近先有機會擔正做 NHK電視台晨間劇《阿淺來了》女一,算係苦盡甘來!

為拍《衝線》剪了一頭短髮的蔡思貝,唔只受大台力捧,仲電暈唔少拍檔。

做模特兒時波瑠(右),曾與桐谷美玲(左)一齊影水着照,但同人唔同命,桐谷早幾年已走紅,但當年仍然留住一把長髮嘅波瑠捱到𠵱家先有運行。

1.波瑠點樣入行?

波瑠除了做過少女雜誌《 Seventeen》的 model,近年剪短頭髮後開始行運,更做埋大書《 non-non》專屬模,所以好多時會見佢做封面女郎。



要說回 10年前,當時讀初中一的波瑠(原本叫南波瑠)報名參加一個 MV選角的面試而入行。出道以來一路以長髮示人的波瑠做過少女雜誌《 Seventeen》及時裝雜誌《 non-no》的專屬模,雖然出過唱片,又拍過多部電影及電視劇,但一直半紅不黑,直至前年將頭髮剪短,波瑠先有運行,唔只擔正做電視劇及電影女一,而且密密接廣告。

2.最近波瑠公布拍 NHK晨間劇《阿淺來了》主角,係咪紅硬?

波瑠擔正做女一的 NHK晨間劇《阿淺來了》要到 9月先開播,其實她由年頭至今已演出過古裝劇《大江戶搜查網》,密密接劇。

《阿淺來了》將於 9月才開播,最近 NHK已公布劇中女主角白岡淺將由波瑠演出,最近波瑠更被爆出,原來出道以來已很渴望演出晨間劇,之前幾年還參加過 3次試鏡,好彩皇天不負有心人,波瑠最後在《阿淺來了》的 2,590位試鏡者中脫穎而出做主角。而晨間劇通常一播便半年,而因該檔期的劇集絕對老少咸宜,做得晨間劇的女主角,好似前年《海女》的能年玲奈為例,形象一定入屋,所以今年波瑠演晨間劇,唔少日本傳媒睇好她必定跑出。

3.波瑠𠵱家大受歡迎,但細個時原來好乞人憎?

讀書時留着一頭長髮的波瑠,個樣雖然幾 sweet,但竟然被女同學杯葛。

早前波瑠在雜誌訪問中自爆:「小學及中學時代,是我人生最艱苦的時期。因小學時已被其他同學杯葛,有時更慘被欺凌,以為升上初中情況會改善,但依然被女同學整蠱,有時她們更故意讓我聽到她們說我的壞話,令我難受,所以當時只好跟男同學做朋友。」

鍾意就快D Share啦!