發嫂派利是用雙手 [壹週刊 - 1305] 發嫂,陳薈蓮,M1,

去藥房買家居清潔用品兼派利是嘅發嫂，買到要店員幫手搬嘢上車。

同你吟一吟

發嫂派利是用雙手

周潤發孭飛嘅賀歲片《賭城風雲 2》喺內地上映十八日（截至三月八日），票房累計已經超過八億七千萬人民幣，今個週末，發哥又要撲上北京，出席電影慶功宴，順便再谷一谷，希望票房衝十億。

上星期二（三日），公私兩忙嘅發嫂如常快閃九龍城，為屋企添置日用品，紙巾廁紙清潔用品，全部喺藥房一次過執齊。不過發嫂此行買嘢其次，派利是俾佢啲九龍城之友先係首要目的。雖然已經係正月十三，但二五話發嫂唔會理，就算過埋新十五，只要佢識，但又未派嘅，都一定唔會漏。

其實唔止咁，發嫂唔識《壹》仔，但臨開車前，都專登揸住封利是走埋嚟，仲要係雙手遞俾《壹》仔，有禮貌到呢！民間特首夫人，俾個 like你。

見到《壹》仔，發嫂自動波走過嚟，仲要雙手攞住利是俾《壹》仔，好有禮貌。

鍾意就快D Share啦！

下一篇 》