未坐完月，陳茵媺包到冚出巡，陳豪全程拖實護航。
探熱針
冇有怕 出爐七天 犯禁陳茵微坐月遊街
婚後成功三年抱兩的陳豪陳茵媺，大年初八出世的細仔 Nathan Lucas生得五官精致，連老媽子 Amiee都忍唔住大讚：「好俊俏！似爸爸。」
上週四，生完 BB僅一星期，正在坐月的 Amiee孖住老公出巡 high tea、 shopping。老婆唔理坐月犯禁出街，「愛妻號」陳豪冇得 say no，只好全程拖實護航。
齊齊戴口罩抗菌
順產生 B的陳茵媺，罔顧傳統「坐月唔吹得風」禁忌，產後一個星期，便急不及待蒲出街。
上週四（三月五日），兩公婆坐保母車，由司機接載至銅鑼灣利園商場。正值流感高峰期，陳豪陳茵媺出街戴上口罩，避免將細菌帶回家。
著大褸、戴冷帽的 Aimee化了個淡妝，精神看來很不錯，產後手腳纖幼，完全冇水腫。落車發現記者，亦友善地打招呼。
兩公婆先到 Cova歎下午茶，離開時陳豪一手拎住咖啡，一手拖實老婆，行去商場另一邊，記者上前問陳豪：「 Amiee咁快可以出街嘅？」兩公婆一直保持笑容，未有回應。
見 BB女衫流口水
二人到專售童裝的樓層搜索，走入法國品牌 Petit Bateau， Amiee投入揀 BB衫，但陳豪卻拎起一件粉紅的 BB女衫自娛，睇到津津有味，恨生女，恨到出晒面。
不停左揀右揀，最後陳茵媺幫囝囝揀了幾件連身衫。之後再走去賣中價嬰兒用品的 Mother Care，半小時掃走三大袋 BB用品，陳豪兩手四袋，完全唔使老婆郁手。
事實上，恨女陳豪一早同老婆講掂數，細仔出世後，休息夠便再「開工」追女。雖然陳茵媺唔理坐月規矩，但陳豪仍會暫時停工，陪老婆坐月直至五月尾才復工。
「 Moses屋企三兄弟，父系基因強，所以佢哋生仔嘅機會係大啲，不過佢講明就算生夠一隊足球隊，都要追到個女為止。」陳豪身邊人說。
坐月須知
傳統中國人都非常注重坐月（又稱坐月子），因為婦女在生產後元氣及體力耗損，造成血虛氣虛，容易遭細菌侵襲，需要時間調養，恢復體能。坐月是中醫的說法，一般來說，自然分娩的產婦坐月一個月，而剖腹生產的則需約 40天。坐月期間要注意飲食外，禁忌亦多，例如避免外出、吹風受涼，應穿著長袖衣服和長褲，不可碰冰水、洗頭等等。
據中醫師陳志強表示，適量活動雖然有助收縮子宮，但產婦生產後容易受到外界感染，要避免到人多或過冷過熱地方，吹風飲凍水，有機會導致將來身體多病，產婦出外勞動身體，亦較易攰，在這抵抗力差的期間，容易感染病菌，出現感冒、頭暈等症狀。
|
鍾意就快D Share啦！
|
|
|
