2.3億大屋裝修千萬 陳奕迅跑數埋單 [壹週刊 - 1305] 陳奕迅,M1,

好快跑夠啫！

（設計對白）

探熱針

2.3億大屋裝修千萬　陳奕迅跑數埋單

一三年底，陳奕迅以二億三千萬買入壽山村道四千多呎連花園平台獨立屋送老婆徐濠縈，唔想有供樓壓力的他，打算一炮過付款，但考慮到低息，最後決定做按揭；大屋去年四月正式交吉，籌劃近一年，近日才開始裝修。每月供款接近六十萬還要千萬裝修，正在英法度假的 Eason，下月再出發跑數埋單。

獨立屋屋苑外貌。

獨立屋連花園平台，面積接近五千呎。

大屋正進行裝修，工人在裡面走來走去。

放假回氣

三月七日生日的徐濠縈，人在法國睇騷入貨，上月底一支公返英國探媽咪的陳奕迅校啱時間，在英國逗留數日，三月初已人肉速遞到法國，陪老婆慶祝四十一歲生日，順道放假回氣。

「 Eason舊年做咗六十場騷，仲要拍緊戲都要定期請假，逢五、六、日返內地做巡迴，把聲唱到爛晒，佢都有同身邊人呻過，唔想再咁樣唱落去，不過買咗間二億幾嘅屋，唔唱唔得！」知情者說。

放棄一炮過付款，改為按揭月供，為了頭家， Eason每月起碼要跑近百萬數才夠用，加上大屋開始裝修，更加要努力𢱑。

「其實 Eason而家住緊間屋都唔係豪裝嗰種，佢兩公婆鍾意簡單設計，所以新屋都唔打算搞太多嘢，不過阿徐對用料點都有要求，就算點樣簡單，間屋又咁大，又有花園平台，點都要成千萬埋單。其實佢哋而家租嗰間屋都成三十萬租一個月，又要供樓又要交租，所以愈快裝修完愈好。」

日前飛巴黎為在當地睇騷的老婆慶生， Eason開心做手勢影相。

二月底，他先到英國探親，飲完媽咪煲的西洋菜豬骨湯，他在 instagram留言「我愛你」。

Eason上年返英國母校接受榮譽博士學位，媽咪（右）也有到場同享喜悅。

改變初衷

過去，陳奕迅因為供樓（大坑嘉崙台）而疲於奔命，甚至搞到情緒低落，如今要孭起一間二億三大屋，令想減少做巡迴的 Eason，亦要就範。

「 Eason喺大陸真係好得，一場過百萬起跳，有時去啲二線城市，歌酬仲高， Eason想快快手搞掂間屋，巡迴做『陳永安』係最快方法。」知情者說。

老婆成潮人界代表，開了三間時裝鋪， Eason每次撐老婆場，亦會悉心打扮出現。

一直好鍾意唱歌的 Eason，去年在廈門表演時，更即興脫上衣彈結他， high爆。

陳奕迅早前做楊千嬅演唱會嘉賓，跟梁炳又唱又講，開心到幾乎唔肯落台。

近年愛上跑馬拉松的徐濠縈，在法國時也繼續跑。

大富翁

紅人搵錢，看似容易，但其實個個做到嘔泡，要將辛苦錢愈 roll愈大，一班圈中吸金男都喜歡儲獨立屋，玩大富翁一樣！

謝霆鋒

身為製作公司老闆的謝霆鋒，近年片酬升至二千萬人仔， 08年以近億買入赤柱舂坎角 Ocean Bay獨立屋做愛巢，與栢芝離婚後，去年有傳獨立屋成功以一億三千萬售出，賺三千萬。

甄子丹

憑葉問打出前途，三千五百萬人仔片酬的甄子丹， 13年以一億三千萬買入位於港島摩星嶺的獨立屋，並將八成股權送給老婆汪詩詩，名副其實愛妻號。

古天樂

去年拍片量稱冠的古天樂，身價千五萬起跳，近年更加沾手電影投資，做埋老闆， 09年，他以一億二千六百萬買入貝沙灣風水屋，愈做愈旺。

鍾意就快D Share啦！

下一篇 》