劉俊輝呻「模棱兩可」唔見百萬！ 齊昕還拖發律師信
新聞人物、特首女兒梁齊昕雄心萬丈闖影壇，近日有傳她將以女主角身份接拍導演劉俊輝的新戲，消息公布後即惹來外界諸多傳聞，不過齊昕「失蹤」致令電影未能如期開鏡，自稱因此損失達七位數的劉導昨日突然召開記者會大數齊昕不是，對於她會否如期出演態度模棱兩可甚為不滿，與此同時齊昕向劉導發出律師信，風波愈炒愈熱！
導演劉俊輝早前召開記者會，宣布梁齊昕將夥拍李逸朗（Don）演出新片《男極探射燈》，並鐵定3月8日開鏡，不過記者會由始至終卻不見女主角現身，外界隨即傳聞不絕，有指因為劉導曾開拍多套三級片關係，再加上影星陳惠敏將扮演齊昕父親，故令齊昕家人不太贊成，且有意出錢贖回齊昕合約。據悉，其實除齊昕及Don外，片中其他演員如樓南光、彭懷安（Eddie）及陳惠敏等，至今仍未動筆簽約，只是「拍膊頭」答應演出。
不滿記者追問
因影片開拍無期，劉導昨午忽集齊傳媒再開記招，現場的布條仍然寫着「梁齊昕」三個顯眼大字，他卻否認借齊昕做宣傳。劉導甫開始即朗讀聲明，大數齊昕不是，指她失去聯絡，態度一直模棱兩可：「身為投資方兼導演嘅我忍咗好耐，因為梁齊昕嘅種種問題，搞到原本3月8日開鏡，依家失晒預算，全體劇組演員，加埋book咗攝影器材，損失達七位數字。」
劉導續指齊昕缺席劇組會議，卻又亮相Don早前的音樂會，期間仍表示會抽時間排戲，顯示會如期演出此片，不過之後卻聯絡不上：「有人話佢家人嫌棄我拍三級片，又話會出錢買番份合約，但到依家我一毫子都冇收過！佢係成年人，係獨立個體，自己搵電影公司商討就可以。」不過，問今次開記招目的，想齊昕作出甚麼交代等問題時，劉導卻謂：「唔知，都要睇佢點先得，或者佢聽朝畀番錢，我咪算數囉。（其實即係想賠錢？）大佬，借錢畀人都要還啦。」他又不滿記者再三追問，曾經一度拂袖而去，但未幾又面帶笑容折返繼續講，又發揮「急才」表示：「我活學活用啫，你哋問我想點，我都模棱兩可囉。」
「想拍二級咋」
席間劉導多次強調自己一言九鼎，不過有人說話不算數，當記者提醒劉導，齊昕已澄清未有接受有關不拍此片的訪問，他仍態度強硬：「有人寫我就信嘞。」他又指《男》片開拍勢在必行：「最多易角啫，可能佢唔做，我仲發揮得淋漓盡致，唔使綁手綁腳。（咁不如索性換人啦。）又唔得喎，個劇本係為佢而寫。你哋唔好再講呢套係三級片，我想拍二級咋，梁齊昕話要爆粗演，我都叫佢唔好呀，亦都冇床戲，最多只係冚張被，我拍啲花作交代囉，好粵語長片呀。」自稱信佛的他表示若與齊昕未能合作，自己也不會失望，只能慨嘆彼此無緣。
記者會完結後，齊昕透過好友鄭紹康向各傳媒發出聲明：「事件已交由律師處理……一切會按香港法律辦事。」並向劉導發律師信，記者再致電劉導，他答：「係記者會後佢搵人親手攞嚟嘅，內容唔講得，我都交畀律師處理囉。」
文：影視組
|
鍾意就快D Share啦！
|
|
|