擬告毀約 劉俊輝爆齊昕拍戲要求講粗口
【齊昕星夢之導演反駁】特首女梁齊昕早前接拍導演劉俊輝的電影《男極探射燈》，不過她先缺席電影記者會，近日又有報道指有人不想她拍三級片導演的戲，矛頭直指劉俊輝，此舉明顯觸怒對方，昨日劉俊輝舉行記招反駁指控，表示是齊昕要求加入粗口對白「X你老母」，才會令《男》片或成為三級，他指不排除控告對方毀約。
自梁齊昕早前缺席電影《男極探射燈》的記者會後，導演劉俊輝多次強調電影一定開拍成功，而且跟齊昕已經簽好合約。但當齊昕日前接受周刊訪問，嫌棄導演曾製作過三級片故希望解約的說法，劉俊輝昨在尖沙嘴召開「梁齊昕Tell Me Why」記者會。
記者會開始時他由一班幕後負責道具、化妝的工作人員陪同入場，劉俊輝手持一份預先準備好的講稿宣讀。他聲明的內容指自宣佈開拍《男》片後，原是答應拍攝的齊昕失場，令電影開拍遇到挫折而損失七位數字資金，又令一班工作人員困擾。他又在近二千字的聲明中提到「關於特首嘅睇法，執導過三級片係咪好cheap呢？我認為如果有人咁諗，就真係太偏見，香港電影事業百花齊放，一級二級三級電影，都只係電影分級制嘅制度。」聲明末又提到特首在當選當日，曾講過香港只有「香港營」，如果照齊昕引述特首的講法，將電影人分成「cheap」跟「唔cheap」，是撕裂香港電影人的做法。
■導演劉俊輝昨開記招，爆齊昕要求在片中加粗口對白。
■梁齊昕曾表示唔恨入娛樂圈，但喜歡拍電影。
資料圖片
■劉俊輝不會排除控告齊昕毀約。
有信心開拍到
完成宣讀聲明後，導演接受在場記者訪問，被問到是否相信雜誌報道時，他說：「雜誌寫得出我就信，我哋聯絡到佢（梁齊昕）都冇用，佢又模稜兩可。口講口賠就唔使合約啦，我有合約為證，不過份約喺商業秘密，賠幾多都係睇合約，但係商業秘密。」他表示事件未到盡頭對開拍都有信心，相信一定拍得成，開記者會是想齊昕可以交代，他說：「唔知會唔會告佢，或者我大方算數，或者告到底，我講嘢模稜兩可？我活學活用啫，或者佢（梁齊昕）聽日畀晒錢我至算數。」導演多次提到先後曾跟甄子丹、古天樂及曾志偉合作，又指蔡卓妍與任達華合作的電影《雛妓》亦是三級片。
收齊昕律師信
導演自言不是想搞事而是谷氣，他說：「佢唔依合約就係搞事。」問到是否有人接觸過買回合約？他說：「冇收到，亦冇人提出過，我套唔係三級片，套片係二級喜劇，套戲構思拍得佢好健康，同李逸朗上床嗰幕，都係上完床就用朵花謝咗咁老土嚟交代。」劉俊輝大爆反而是齊昕要求講粗口，他說：「我話粗口三級㗎喎，佢話唔驚，講咩粗口？X你老母、X你老母囉，成日都X你老母㗎啦，梗係唔止呢句。」假如齊昕最終未能完成拍攝，自言信佛的劉俊輝相信緣份，覺得沒有她可能更好，他說：「我唔知佢係咪激老竇，我唔知佢想法，不過我都有女，我唔會令佢個女搞到亂七八糟，我拍戲唔係玩政治。」他又透露已經跟律師商討下一步的行動及做法。
另外，齊昕好友鄭紹康昨代發聲明：「本人代梁齊昕小姐就今天下午劉俊輝導演召開記者會的聲明發表如下：事件已交由律師處理，今天中午已派了律師信給劉導演。一切會按香港法律辦事。多謝傳媒朋友關心。」
採訪：張俊銘
攝影：陳慧安
■陳惠敏在片中演齊昕父親。資料圖片
|
鍾意就快D Share啦！
|
|
|