網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月11日 星期三

理大義工天使 貼錢教印尼村民耕田 [FACE - 407 - 大專校園] MF,




理大中文及雙語學系 Yr.2

黃莉怡 Yammy

Yammy性格外向,鍾意嘗試不同新事物,「我之前去咗學校嘅劇社試鏡,但其實我一啲舞台經驗都冇,咁啱好彩畀我 cast中咗做女主角,好期待演出!」

U花 U草

理大義工天使 貼錢教印尼村民耕田

香港人秒秒鐘都想放假去旅行,住間靚 resort hea番一個星期,人生咁先有意義!

不過讀緊理大中文及雙語學系 Yr.2嘅黃莉怡( Yammy)就唔同,做開義工嘅 Yammy好鍾意幫人,去年仲自願參加學校搞嘅服務學習( service-learning),自費 2600元,去印尼半個月做義工教當地村民耕種,出心又出力!

「去到印尼我哋 20個人住喺好落後嘅村莊,住用木搭建成嘅爛屋,瞓地下兼沖凍水涼,夜晚仲會有青蛙呱呱叫周圍跳望住你瞓覺,初初好唔慣,不過印尼人好熱情,喺啲沙上面畫啲數字遊戲玩,踢吓波又一日,相比起香港,咩都講物質,兼無時無刻攞住部手機上網,印尼生活反而更加易滿足!」

咪以為去印尼呢半個月 Yammy齋陪玩,最重要係教當地村民點利用天然資源改善耕種, Yammy仲專登為咗去呢個 camp而做晒資料搜集,「我上網研究過印尼人口、社會問題、貧窮村莊比例、點可以幫到當地人改善生活嘅資料!」

愛心爆棚嘅 Yammy平時鍾意做義工探訪唔同階層,去年仲獲頒義工獎。

去咗印尼半個月, Yammy同當地村民打成一片,到𠵱家都仲有 keep住聯絡。

通常入得大學當然要上莊住 hall,不過 Yammy就冇上莊,淨係住利生堂,「上莊成日要開好多會,好忙,我鍾意行山多啲!」

鍾意就快D Share啦!