熱爆娛樂: 如何趕絕小三？ [FACE

2015年3月11日星期三

今時今日咁多誘惑，總有一個小三喺附近！有辦你睇，吳浩康同鍾舒漫訂晒婚都冇用，賤男要偷食真係大把選擇。正印想趕絕小三，究竟有乜方法呢？李逸朗今次唔教你做傻女，反而出動古希臘十大武器之首——鐵球！想知點用個波去對付第三者，學嘢

要趕絕小三，應該直接同男友或老公講唔可以有小三！小四冇問題！咁佢應該會開心啲！其實好難㗎，小三呢啲嘢，三三不盡六六無窮，邊有得避！最緊要兩個人開開心心，如果佢開心都唔會想搵小三

要對付第三者，由對付身邊伴侶開始。首先要困佢喺屋企，喺佢對腳裝個鐵球，而鐵球大細就要視乎你屋企個門口有幾大，我哋要做到你女朋友可以出門，但鐵球出唔到門！咁樣唔算係軟禁，只係佢出唔到門。記住，要留住女朋友，先要有一個訂做嘅鐵球！

男仔會身痕同心痕，最主要係因為有錢！有多餘錢就會想去玩，所以要管理好佢嘅財政！

將男朋友戶口裏面啲錢全部用晒，之後就飛咗佢！

第三者真係防不勝防！我覺得如果我做好自己依然有第三者，就係對方有問題，唔珍惜啲好嘅！令自己更加開心、更加靚、食得好啲，咁就係對付第三者最好方法！記住，千祈唔需要落淚、唔需要傷心，因為俾你見到第三者，係你嘅福氣呀！

韓小姐

「要對付第三者，就係飛咗個男友！」

王小姐

「 Check佢啲電話，或者迫佢改電話號碼、睇佢啲 WhatsApp，再唔係就唔做嘢， 24小時黐住佢！」

蔡小姐

「呢啲冇得趕絕㗎！如果發現有小三，就飛咗個男友！好直接㗎！」

鄺小姐

「好難喎，惟有對自己男友好啲，等佢唔好識第二個！唔會管住，會俾空間佢！」

蔡小姐

「會問清楚男友，如果佢認，就攤牌！」

知無不言　言無不盡　我係全知言

facepop熱線 9222 0828

電郵:facenews@nextmedia.com

facebook： facemagazine inbox

LINE、 we chat id： facemagazine

鍾意就快D Share啦！