網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月21日 星期二

人氣急升 愈來愈忙 蔣志光:比以前多嘢做 蔣志光,



人氣急升 愈來愈忙 蔣志光:比以前多嘢做

2015-04-21 07:26:00



(攝影:盧妹)

蔣志光﹑林敏驄﹑張國強及艾威等,噚晚出席博愛就職晚宴,蔣志光西裝骨骨現身,佢話:「因為今(噚)晚總理除咗搵我唱歌,仲要食飯,所以着靚啲。」會否唱《相逢何必曾相識》?佢話:「好似要同副總理定總理合唱,有人陪我唱。」

問佢呢排忙乜?蔣志光表示:「要落船做騷,拍電影《我老婆係明星》,同林德信﹑周柏豪及劉心悠合作。」問佢係咪愈嚟愈多咗嘢做?佢話:「係呀,比以前多嘢做。(太忙?)其實都係,我都唔希望自己太忙,不過keep住有得做都好,只要時間唔重複,同埋唔會太辛苦就得,自己性格鍾意悠閒啲。」

會否出碟?佢話:「構思寫歌,未有計劃幾時出碟,但唔想嘥咗時間,所以會向呢方面做多啲先。」咁會係自資出碟定搵唱片公司?蔣表示:「其實有公司對我有興趣,要視乎作品會唔會令人蝕錢,如果會就寧願自資。」

咁會否搵韋綺姍合唱?佢話:「如果有啱合唱歌,一定會搵埋佢,佢係我好朋友。」想唔想開演唱會?佢話:「都有,對個唱rundown好着緊,唔係求其唱兩小時就得囉,要有咁多part節目畀大家睇,生活上度緊可以有乜表演,親自寫個rundown。」

另外,講到王菀之前晚喺金像獎連奪兩獎,蔣志光表示:「佢有喺group chat到話請大家食麥記。」



蔣志光愈嚟愈多嘢做,佢話keep住有得做都好。

鍾意就快D Share啦!