【曾被趕出家門】同郭藹明每次鬧交 劉青雲：到最後都係我認輸
2015-04-21 11:06:00
曾喺香港金像獎被提名16次嘅劉青雲，2007年憑《我要成名》攞過「最佳男主角」，隔咗8年，周日喺第三十四屆香港金像獎，憑《竊聽風雲3》再攞影帝，青雲難掩興奮嘅心情， 更向老婆郭藹明講出恩愛「太空船宣言」，令郭藹明感動落淚，呢對圈中模範夫妻人前恩愛，原來夫妻相處不時五相遷就。
今日有周刊翻查佢哋兩公婆嘅恩愛之道，發現佢哋原來一直都好遷就對方，好似聽日郭藹明回應老公嘅「太空船宣言」，佢都講咗句「千年修得共枕眠」，令佢哋嘅感情世界再次成為焦點。
不過青雲早前喺訪問中，曾經暗示老婆一啲都唔弱，先爆每次鬧交，佢都係最後認輸嗰個，青雲仲試過激嬲老婆被趕出屋企門口，要去朋友屋企暫住，氹老婆下咗啖氣先返去，青雲都講過係讓老婆，又笑言老婆唔怕佢，真係估唔到呢個港姐冠軍，除咗有樣貌、有身材、有高學歷，仲「御夫有道」。
劉青雲1992年演最後一套大台劇《大時代》，令佢識咗郭藹明，據知拍完《大時代》嘅翌年，係因為「慳妹」做媒人先將佢哋撮合埋一齊，劉青雲1998年同郭藹明拉埋天窗，婚後嘅郭藹明更淡出娛樂圈，為老公全職理財，樂做青雲背後嘅女人，劉青雲多年亦接近「零緋聞」，兩公婆恩愛足咁多年，據知兩公婆炒樓有一手，逢炒必賺，買賣多個物業，勁賺過千萬。
據報道講，郭藹明曾講過老公劉青雲為人脾氣大，好難遷就，拍拖早期唔知佢點解成日發脾氣，以為自己做錯，不過後來先知係青雲性格比例剛烈，慢慢由得佢，郭藹明更曾表示，呢個世界冇白馬王子，所有嘢都要遷就同經營，有傳青雲同老婆早有共識唔生BB，郭藹明講過青雲想要多啲自由度，好多嘢會因為小朋友而放棄，青雲都講過係想珍惜二人世界嘅時間，有傳青雲下一個目標同張家輝一樣，有意做導演拍電影。
|
鍾意就快D Share啦！
|
|
|