| 三蟹邵仲衡、陶大宇同郭政鴻難得重逢，大講過往拍《大時代》嘅點滴。 | next 1/1 pre |
 | |
| 原來郭政鴻（左起）、邵仲衡同陶大宇已經冇見面逾二十年。 | next 1/1 pre |
 | |
| 邵仲衡話參演《大時代》令佢覺得好榮幸。 | next 1/1 pre |
 | |
| 邵仲衡話當年佢原本唔係做孝蟹嘅角色。 | next 1/1 pre |
 | |
| 郭政鴻大爆大宇「行騙」嘅往事。 | next 1/1 pre |
 | |
| 郭政鴻自覺畀大宇跌，因為大宇喺拍天台跳樓嗰幕，本身講話會係咁易做，點知做到七情上面。 | next 1/1 pre |
 | |
| 大宇大讚《大時代》嘅角色都寫得好好。 | next 1/1 pre |
 | |
| 大宇覺得《大時代》咁收得，個個都功不可沒。 | next 1/1 pre |
 | |
| 三子難忘啟明嘅公子性格。 | next 1/1 pre |
 | |
| 三子大爆啟明當年已經揸靚車。 | next 1/1 pre |
 | |
| 吳啟明（前者） | next 1/1 pre |
 | |
| 大宇真係做到七情上面。 | next 1/1 pre |
 | |
| 相信大家對於呢一幕都好難忘。 | next 1/1 pre |
無綫重播《大時代》，令劇中演員重新喚起觀眾注意，其中演丁蟹（鄭少秋）四位兒子的邵仲衡（孝蟹）、陶大宇（益蟹）、吳啟明（旺蟹）及郭政鴻（利蟹）亦令人難忘，邵仲衡、陶大宇及郭政鴻原來已經冇見面逾二十年，難得重逢話當年，應了《大時代》主題曲《歲月無情》一句歌詞：「滔滔的感觸去又來」。
參演《大時代》感榮幸
邵仲衡不諱言孝蟹一角為他贏得知名度：「大陸幾乎不停翻播《大時代》，好多妹妹仔好鍾意孝蟹，但原本我唔係演孝蟹，孝蟹係諗住搵鄭浩南做，我本來係做陳滔滔，即係林保怡個角色，但有日唔記得係韋家輝（監製）定曾謹昌（編審）話：『你做孝蟹！』，咁我就做咗孝蟹。（感覺好幸運？）有得參與呢個劇都好榮幸，嗰時邊個會估到今日？其實保怡好啱做陳滔滔，佢文質彬彬，我覺得韋家輝係因應番演員特質滲番入個角色度！」
爆大宇「行騙」往事
郭政鴻則指大宇當年「行騙」，他說：「拍天台跳樓嗰日，大宇話：『陣間我係咁易做o架咋！』，點知一Roll機，佢七情上面，啲戲好到直頭係演藝教材，我被佢跣咗囉！」邵仲衡亦附和說：「我好記得當年秋官喺四蟹面前讚過大宇好戲！」大宇笑稱：「係角色寫得好，個個都有戲做，大家都功不可沒。」
難忘啟明公子性格
三人又難忘啟明的公子性格，邵仲衡說：「有日晏晝我同啟明呢兩隻蟹冇戲，佢揸架保時捷車我去西貢食嘢，食咩？車仔麵！佢話：『我鍾意嗰啖湯嘛！』」大宇說：「嗰時我哋三個未搵到錢，得啟明一個揸靚車，有日放飯，佢見我哋食飯盒，就話：『劏條鱔！』條鱔頸咁粗，我話我哋冇錢，佢話：『得』就請我哋食。」郭政鴻是三人中與啟明最有緣，他說：「我算係撞番啟明撞得最多，早兩年喺馬來西亞一間餐廳啜緊螺，突然收到啟明電話，原來佢都喺間餐廳，佢又有靚車又有司機，仍然係咁公子！」
|
鍾意就快D Share啦！
|
|
|