【渴望戀愛】G.E.M.想退出娛圈？ 下一段戀情以結婚為前提
2015-04-11 10:11:00
（微博圖片）
「人紅是非多」嘅G.E.M.(鄧紫棋)噚日喺內地出席品牌活動，被問近日是非纏身、被指「耍大牌」一事，G.E.M.向內地傳媒直言：「確實曾經有過想要退出娛樂圈的念頭，但是親朋好友一直支持著我。」
G.E.M.面對喺內地走紅後，網民對佢嘅批評，佢續言：「這是每一個藝人成長中所必經的道路。幸好我的親人和圈內好友都會幫我排解壓力，這讓我感到非常開心和感動。」問及係唔係真係考慮退出娛圈，G.E.M.解釋：「確實有過這樣的念頭，但是冷靜下來之後覺得還是要堅持自己所喜愛的事業，不能因為一點挫折就放棄最重要的事情。」
對於G.E.M.出道以嚟，只係同舊愛林宥嘉傳過緋聞，G.E.M.透露：「我內心還是很渴望戀愛，但是希望下一段戀情可以以結婚為前提，能夠開花結果幸福地走到最後。」佢更笑言自己現時鍾意喺屋企學煮嘢，談及自己今後嘅計劃，G.E.M.似乎想繼續喺內地吸金，「預告」自己將喺5月開始全國巡迴演出，下半年先推出佢創作嘅專輯。
問及最近有唔少新晉歌手進軍內地影視圈，G.E.M.表示如果有機會合適佢都想試，會唔會再參加「真人騷」，G.E.M.就指：「這個要看時間的調配，『無懼挑戰，成就自我』是鄧紫棋的座右銘。」據知，近日鄧紫棋還將前往美國Mojave太空站進行「太空之旅」，好快就會成為首位登上太空嘅華人歌手。
|
鍾意就快D Share啦！
|
|
|