唔回家 班女去邊？ [忽然1周 - 1033] MW,

有指郭少芸喺劇中執番個尾彩，吳家樂會返佢身邊，但龔嘉欣又點算呢？

媽咪姐

唔回家　班女去邊？

唔經唔覺大台拍咗 3年嘅《愛•回家》，拍多 1個禮拜就收爐，班演員梗係唔捨得尤其係馬家嘅人，少咗份穩定收入，媽咪姐都戥佢哋肉痛呀！

其他影片：>>《愛•回家》最後倒數
>>林漪娸 Burberry包裝媽咪

之但係咁，天下無不散之筵席，呢排佢哋一開工就圍埋食飯，似乎係準備隨時 farewell咁。演孻姑嘅郭少芸就話大佬劉丹最唔捨得佢，但丹爺唔使開工就返大陸打 golf，只係約家嫂林漪娸，都冇約郭少芸囉。查實媽咪姐對其他姐仔嘅去向關心多啲，話晒之前《愛》劇換血，叮走咗幾個，臨別秋波好頭好尾，係時候回家團圓

郭少芸話劉丹做咗佢 3年大佬，最唔捨得一定係佢。呢樣真係要問下丹爺先知喇！

劉丹一休息就北上打高爾夫球，有時仲約埋林漪娸同行，不過冇預郭少芸。

對住幾年又日日見，點都有感情，難怪倒數拍攝日，大家會覺得失落。

等做人妻

朱慧敏喺最後一集回歸，重遇馬壯。但係佢日前拉傷咗，貼到成個膊頭都係膠布，睇落幾傷吓喎！

「茜伊」張嘉兒同高 Ling喺劇中好 friend，嚟緊張嘉兒結婚，預唔預呢位劇中姊妹做伴娘呢？

做孝順女

林漪女其忙咗幾年，終於有時間唞下陪下家人，睇佢同阿媽繑住手行街，就知家庭樂係幾咁重要

回家湊仔

姚瑩瑩同區瑞偉呢條感情線，唔知最後係咪 happy ending。但姚瑩瑩拍完劇返屋企湊仔，係好肯定嘅事。

繼續拍劇

陳庭欣喺《愛》劇戲份唔多，所以停播對佢影響唔大。依家佢就拍緊《公公出宮》，同姜大衞合作。

鍾意就快D Share啦！

下一篇 》