今日（5月15日）有傳媒報道，原本打算同朱慧敏結婚嘅EO2前成員Eddie，竟然背住未婚妻偷食長腿女！Eddie喺今日傍晚發聲明向朱慧敏道歉，咁啱撞正朱慧敏為無綫劇集《愛‧回家》拍外景，自然難逃傳媒追訪。
而朱慧敏亦大方接受傳媒訪問，節錄如下：
記：會唔會（就偷食事件）開個記者會？
朱：（眼泛淚光）其實咁樣講啦，類似嘅事件亦都唔係第一次發生，咁……，我諗……，係時候交俾男方去向各位傳媒，同埋公眾去交代囉。好嗎？多謝晒。唔好意思，我要埋位（拍攝）。
記：會唔會原諒佢（Eddie）？
朱：辛苦晒大家，我哋之後再……，唔好意思，辛苦晒。（合十向傳媒鞠躬）
