全城熱爆的娛樂八封新聞 & 時事趣聞 & 生活 + 趣聞
張耀揚可能依家生活比較正常，所以肥咗，好彩佢有運動，仲 keep到吓。
《古惑仔》嘅「烏鴉哥」張耀揚，都曾經瘋魔過一時，媽咪姐幾個姪仔迷佢仲多過陳浩南㖭!可惜舊年 7月佢喺北京涉吸毒同嫖娼被捕，被拘留 20日後先獲釋。不過都係嗰句：人誰無錯，肯改過就得。獲釋後低調返咗香港嘅張耀揚，近排密密操 fit身體。前個星期六，媽咪姐就喺銅記捕獲佢同個 friend激凸踩車，搣甩咗不良嗜好，回復健康嘅體魄，仲喺馬路左穿右插，好似拍緊戲咁！嘩，幾型呀！
不過始終人到中年，個樣開始憔悴，已經有啲走樣，再睇清楚佢個 friend，有冇啲面善？佢咪拍《晚 9朝 5》同周嘉玲一 pair嗰個張鴻安囉，當年都係好靚仔好英㗎！但退出咗模界之後……我哋都係睇番「烏鴉哥」啦。
星期六嘅銅鑼灣多車到爆，「烏鴉哥」不愧為「烏鴉哥」，人多車多一樣冇有怕，左穿右插，英到佢呀！
好牙煙喎！
當年張鴻安高大靚仔，仲要眼細細，媽咪姐最 buy！唔比陳豪（右）輸蝕㗎，不過家陣就……典型麻甩佬囉。
兩個中佬咁耐冇蒲頭，依然有粉絲搵佢哋集郵。所以話少少失意等於激勵一啲冇錯。
