全城熱爆的娛樂八封新聞 & 時事趣聞 & 生活 + 趣聞
雖然已經係大熱天時，不過明星為咗着衫好睇，依然唔介意出一身汗 keep fit。好似陳凱琳同黃智雯就跳舞，伊健同蒙嘉慧就行山。
至於梁靖琪就空中瑜伽及游水，雙管齊下，務求以最佳狀態迎接夏日。
前排被發現失婚增磅嘅梁靖琪，上完武當山拍《潮拜武當》開始 fit番。不過佢近日再加操練，頻頻約好姊妹空中瑜伽同游水，仲自 post泳照，自信心返晒嚟。
鄭伊健同蒙嘉慧打羽毛球打得多，早前轉轉口味，孖住舒淇一齊行山。佢哋個個都有行山柺杖跟身，準備十足㗎。
同富貴男友好事近嘅黃智雯（右），剛剛去完旅行，食多咗嘢。為了 keep fit，佢即刻約朋友跳舞，仲示範貼地一字馬。
陳凱琳同姚嘉妮、陳煒合作拍《張保仔》，佢哋仲 friend到約埋一齊跳舞。鄭嘉穎一向多女埋身，陳凱琳就梗係要保持最佳身形啦，明白嘅。
舒淇行山都未夠，佢打埋羽毛球，仲留言：「全力扣殺！」為老友伊健套新片賣廣告。
