全城熱爆的娛樂八封新聞 & 時事趣聞 & 生活 + 趣聞
着得 casual並不等如亂咁着，珍妮花上身無問題，下身搭條黑色運動褲或者普通牛仔褲咪好囉，做乜硬係要同啲強國人爭褲着？
明星都係人，會撩鼻屎、放屁，媽咪姐 get到喎，不過又係咪代表完全唔使顧身世呢？
近日珍妮花羅倫絲去咗加拿大拍攝《變種特攻》第三集《 Apocalypse》，開工着戲服，收工着得 casual啲都啱嘅。但 casual到珍妮花咁，又離譜咗啲囉，上身衞衣 OK嘅，但因乜解究要搭條咁嘅褲呢？又核突又老氣，仲要突出埋大躉嘅缺點，唉，乜嘢女神形象都冇晒。
着錯褲，連個躉都大啲。
珍妮花近日去咗加拿大，同前男友、《末日先鋒：戰甲飛車》男星 Nicholas Hoult合作新戲，兩人罕有再合照。
