自薦赴韓兩個月 靚靚為李敏鎬貼錢拍戲 [忽然1周 - 1035] 靚靚,李敏鎬,袁詠儀,MW,

袁詠儀自從去年睇完李敏鎬主演《繼承者們》，即深深迷戀他，今次有機會與偶像拍戲，靚靚自言唔收片酬都制。

娛樂喧

自薦赴韓兩個月　靚靚為李敏鎬貼錢拍戲

去年由鄭丹瑞（阿旦）編導的愛情小品《分手 100次》票房收過千萬，故今年阿旦決定添食，除了繼續沿用周秀娜擔任女一外，更重金禮聘大卡士韓星李敏鎬參演。

身為李敏鎬超級粉絲的袁詠儀，一聽到這個消息，竟然向阿旦舉手自薦。日前，阿旦便向記者承認﹕「阿靚（袁詠儀）話如果係李敏鎬，唔收錢都制！」據知攝製隊已經敲定了 9月檔期，飛韓國拍攝外景，靚靚更有機與長腿 Oppa在異國對足兩個月。老婆與男神日夕相對，唔知 Chilam會唔會呷醋呢？

韓國頂級偶像李敏鎬剛在韓國舉行的「百想藝術大獎」，揮抵宿敵金秀賢，勇奪人氣大獎。除韓國本土外，他亦憑俊朗外形和超級長腿橫掃亞洲等地，難怪輕易迷倒靚靚 anutie。

早前鄭丹瑞出山拍攝一部成本低但效益大的《分手 100次》，令不少投資者都樂意泵水給他開拍續集。但阿旦坦言希望觀眾有新鮮感，所以新戲會以全新愛情故事作骨幹，講述由周秀娜帶領的旅行團到韓國旅遊，袁詠儀則與劇中丈夫吳鎮宇帶同女兒參加旅行團，娜姐更會與韓國當地領隊發展愛情線。

靚靚自薦

阿旦今次為了令電影升格變大卡士作品，不惜工本以天文數字的酬勞邀請韓國人氣男星李敏鎬擔任男主角。據知身為超級粉絲的靚靚一聽到消息，還未與老公 Chilam商量，便第一時間向阿旦自薦，「估唔到靚靚鍾意李敏鎬係去到咁癲，一聽到李敏鎬可能幫阿旦拍嘢，喺 Chilam都未通知之下，就自己約咗阿旦出嚟飲茶，話自己好想拍，仲話唔收錢都冇所謂。不過阿旦就講到明淨係可以俾第二線佢，同韓仔嘅主線要留番俾娜姐。點知阿靚諗都冇諗一口應承，俾後輩騎住都冇所謂。」知情人說。

小粉絲偷吻

靚靚早前現身李敏鎬新片《江南黑夜》在韓國的首映，其間李敏鎬現身送花俾靚靚，靚靚即時當着老公面前讚偶像：「為甚麼你這樣靚仔！」更乘機偷吻他。

娜姐獻身

據知在新戲中，鄭伊健被 out，由李敏鎬取代他與飾演旅行團領隊的娜姐發展感情，而靚靚姨只是旅行團其中一個團友。

食髓知味

阿旦執導的電影《分手 100次》在港票房破千萬，成績理想，因此他決定扑槌開拍類似的愛情小品電影，更揼重本拉大隊在 9月到韓國拍攝兩個月。

赴韓朝聖

眾所周知，靚靚自從去年睇完李敏鎬主演的劇集《繼承者們》後，便開始迷戀這位長腿 Oppa。除了親赴韓國，到李敏鎬代言的餐廳和商店，與對方的紙板公仔合照外。日前李到香港開騷，靚靚亦送了大個花籃祝賀。當知道偶像與「國民初戀」秀智拍拖時，靚靚竟在微博表示傷心到要狂買包包發洩，可見其對偶像的瘋狂程度。

檔期未定

對於李敏鎬拍新戲，阿旦周一在電話中承認正斟洽李敏鎬：「劇本已經寄到李敏鎬手中，現階段雙方仲係洽談當中。不過佢同佢班團隊睇完劇本，都話有興趣，希望真係合作到」而阿旦亦表示自己為了就李敏鎬的檔期，特地安排攝製隊到韓國拍攝。不過阿旦亦透露假若李敏鎬真的不能拍，男角將會由《 Running Man》走紅的諧星李光洙補上，「編劇啲同事鍾意光洙多啲，而我就鍾情李敏鎬。雖然請佢係天文數字，但反正又唔係我俾錢，依家最缺嘅係人，唔係錢。梗係愈大卡士愈好啦。」對於靚靚自薦拍戲，阿旦坦言：「我都有聽過，話靚靚講如果可以同李敏鎬拍戲，自己唔收錢都制。」

次選光洙

除了李敏鎬，劇組亦有考慮憑《 Running Man》彈起的李光洙。但由於光洙形象與李敏鎬相距甚遠，阿旦坦言自己首選依然是李敏鎬，否則劇本便需作出大幅調整。

代言收千萬

李敏鎬在內地紅到發紫，早前在內地網站冧莊「亞洲第一男神」，閒閒哋拍一個廣告和出席品牌活動都收逾 500萬人仔，就連阿旦回應亦說：「請佢（李敏鎬）當然係天文數字，不過好彩唔使我俾！」

老婆袁詠儀為見偶像，九月到韓國逗留兩個月，到時 Cool魔便要化身湊仔公，照顧囝囝魔童的起居飲食。

鍾意就快D Share啦！

下一篇 》