發訊息再請飲 鍾鎮濤范姜君悅擺酒 [壹週刊 - 1314] 鍾鎮濤,范姜,M1,

四月底開始，鍾鎮濤及范姜向親友發訊息，邀請他們出席五月二十二日補辦的喜宴。

探熱針

發訊息再請飲　鍾鎮濤范姜君悅擺酒

鍾鎮濤與范姜去年八月在印尼峇里島舉行百萬婚禮，過百好友講心唔講金，自費越洋到賀；但原來仲有下文，為感謝范姜多年來無名無分的付出， B哥已定於本月廿二日在灣仔君悅酒店補擺喜酒，再慶多鑊！堂而皇之收多次人情，鍾鎮濤和范姜沒有發帖，只透過訊息，通知各友好，刻意低調。

嘉玲偉仔補番數

陪住鍾鎮濤度過人生谷底的范姜，去年終於得到一個正式名分，過百好友自費飛到峇里，見證十七年情進入另一階段。

「上次大家基本消費都過二萬蚊，但難得咁齊人，成班朋友當去旅行玩三、四日，可惜係偉仔同嘉玲嚟唔到，阿 B同范姜都失望㗎！冇所謂啦，嚟緊廿二號（下星期五）都擺酒啦，嘉玲同偉仔已經答應咗會嚟，不過峇里嗰轉已經俾咗人情，而家再嚟多 round，都唔知係咁意定再重手啲好。」其中一個獲邀出席婚宴的友人說。

去年八月，鍾鎮濤與范姜在峇里島舉行豪華婚禮，過百好友自費二萬多元出席恭賀，令一對新人開心不已。

去年峇里島的婚禮上，鍾鎮濤與溫拿隊友、張學友及曾志偉等人在派對上高歌演出，十足迷你音樂會一樣。

證婚人關之琳與范姜情同姊妹，當然走唔甩再飲多一次！另外，周汶錡與周麗淇兩姊妹亦會是座上客。

五月再擺酒，主要是因為去年的婚禮雙方家長未有出席，鍾媽媽今次會回港參加兒子的補辦喜宴。

劉嘉玲與梁朝偉上次未有參與好友婚禮，據知兩人已答應出席今次喜宴。

向老人家交代

鍾鎮濤與范姜將於今個月二十二日在灣仔君悅酒店補擺酒，預計四十圍以上，不過一對「舊人」好低調，未有發喜帖。

「上次峇里全部都係朋友，雙方家長都冇參與，今次補擺酒，其中一個原因都係俾老人家一個交代；加上阿 B覺得范姜同自己咁多年都無計較過，真係想搞個傳統婚宴俾老婆，係一份心意。君悅個 ballroom都算大，就算計埋 live band同跳舞位，都可以擺到差不多四十圍。總之除咗峇里原班人馬，仲請咗好多親朋戚友，但佢哋冇派帖，只係打電話同 WhatsApp通知確認。」

星期日（五月十日），鍾鎮濤拉埋兒子鍾嘉浚，女兒嘉晴、鍾懿和鍾幗，到中環 Cova為范姜慶祝母親節，對於今個月二十二日補擺酒，阿 B說：「係呀係呀，唔講喇！私人時間私人事唔想講太多。」

五月十日母親節當天，鍾鎮濤與太太及四名子女齊齊外出歎下午茶，慶祝母親節。

在 Cova high tea期間，鍾鎮濤不時拿出相機為家人拍照留念。

與范姜分開行街，鍾鎮濤與大仔嘉浚揀衫，二人更即買即著，一黑一白的父子裝很有愛。

鍾鎮濤與大仔買完衫後，便到卡地亞會合老婆，未有揀啱心水的范姜，最後空手而回。

賺硬

婚宴統籌機構「 OiKa愛家」，以各大酒店婚宴菜單最基本菜式價錢，包括加一及基本酒水，正價和週末價的程式，整合出一份「人情打和價」，主人家想知道擺酒賺定蝕，參考下列例子，便可略知一二。

分段收費

無論因為時間關係，抑或刻意安排，圈中人結婚，流行分段進行，人情，隨時雙計！

梁烈唯

與拍拖十一年的女友 Tina在去年元旦一月一日註冊結婚，因場地有限，當日只招待雙方家人及至親好友；朋友多的梁烈唯已定了本月二十九日假洲際酒店，擺多次酒，筵開五十圍，廣宴親朋。

鄭希怡

13年 11月， Yumiko和化妝師男友梁學儲在蘇梅島舉行 pre-wedding party， 80親友嘉賓出席，當中包括徐濠縈、陳小春、應采兒、黃伊汶、陳國坤等圈中好友，賓客自費機票，食宿則由一對新人負責。去年 9月，二人再於港島海逸君綽補擺喜酒兼註冊，筵開三十圍。

鍾意就快D Share啦！

下一篇 》