吵大鑊 男友怒碎車玻璃 沈卓盈驚青：唔好再提 [壹週刊 - 1314] 沈卓盈,M1,

沈卓盈不願多談男友在爭吵期間，用網球拍打碎其車頭擋風玻璃，但坦認時有爭吵。

探熱針

吵大鑊　男友怒碎車玻璃　沈卓盈驚青：唔好再提

拍拖超過兩年，同做金融的富貴男友麥偉汶（ Ray）於禮頓山豪宅同居的沈卓盈，一直擺出等嫁姿態，直至去年在美國度假期間，手部離奇受傷後，才改口要觀望。

據了解，上月二人曾在住所停車場吵大鑊，其間沈卓盈想揸車離開，情緒失控的 Ray竟用網球拍打爛其坐駕的車頭玻璃。對此，沈卓盈驚青直認：「過咗去，唔好再提！」

用網球拍狂打

聲稱女性到了三字頭是一個新開始的沈卓盈，上月三十一歲生日，男友 Ray為她入廚煮大餐慶祝。但過了不久，雙方就在住所停車場吵大鑊。

「 Jess（沈卓盈）同 Ray之前都俾鄰居投訴，話佢哋個單位成日好嘈， Ray亦試過飲醉酒，半夜喺 lobby大吵大鬧。上個月尾，佢哋仲喺停車場鬧交，嘈得好厲害，當時 Jess想揸自己架 MINI走， Ray唔俾，仲喺自己架車攞咗個網球拍出嚟，起勢打落架 MINI車頭擋風玻璃；當時 Jess坐喺車入面，佢都打到車頭玻璃碎晒， Jess覺得好驚，即刻揸車走。」知情人說。

人前恩愛，但原來二人經常有爭執。去年，沈卓盈陪男友飛美國探親期間，便離奇受傷。「有一晚唔小心撞到手指尾，一撞就爆咗，仲要骨裂，第二朝先去睇急症，要再捱三日先安排到睇專科，真係好痛。」沈卓盈事後說。

男友努力箍煲，沈卓盈近日已跟他和好如初，週一（ 11日）孖住出街。

送寶馬贖罪

上月底，沈卓盈的 MINI車頭玻璃被男友打碎後，他即買了一部二手寶馬給她贖罪。

送寶馬氹番

雙方感情時好時壞，又分又合。三個月前，沈卓盈又再提出分手。

「 Jess本身好想同男友結婚，就算對住 Ray嘅父母，都當老爺奶奶咁。但佢哋一時好，一時又嘈得好緊要，每次大吵 Jess就想分手，但 Ray次次都話會改死箍。 Ray同 Jess拍拖之前，係俾楊秀惠撇，所以成副感情放晒落去，佢唔會咁易放手，次次又求又氹， Jess都心軟。」知情人說。

MINI被毀後， Ray立即買了架二手寶馬氹番女友。而一度搬返娘家的沈卓盈，近日亦返回禮頓山居住。上週六（五月九日）， Ray隨沈卓盈返教會，本週一（十一日）繼續連體孖住出街，床頭打交床尾和。

沈卓盈於 02年獲選《 TVB週刊》封面女郎冠軍，之後加入無綫，在《最緊要正字》當主持並漸為人認識，一雙長腿深得網民心，被稱為沈大師。

上週六（ 9日），沈卓盈帶男友返教會崇拜，二人全程都好投入。

返完教會，二人返回禮頓山愛巢，在車上有講有笑。

球拍打碎

沈卓盈和男友都愛打網球，她曾在網上晒球拍和美腿，想不到球拍成為打碎她坐駕車頭玻璃的兇器。

從沈卓盈的自拍照來看，受傷時撞擊力頗大。

去年跟男友在美國旅行期間，沈卓盈手部離奇受傷。

唔知鄰居投訴

向沈卓盈求證被男友打爛車頭玻璃時，她表現驚青。

壹：壹週刊　沈：沈卓盈

壹：你而家住喺禮頓山？

沈：係呀。

壹：有鄰居投訴你同男友個單位，經常傳出嘈吵聲喎。

沈：（轉軚）唔知喎，我唔係成日喺度。

壹：早排你同男友喺禮頓山停車場嗌過交？

沈：（驚青）過去咗嘅嘢

壹：男友打爛你架車嘅擋風玻璃？

沈：呢啲嘢過去咗，唔好再提！嗌交、拗撬係有，有少少

壹：當時你坐喺車入面，有冇整親？

沈：冇，過去咗唔講

12年跟飛機師男友分手後，沈卓盈在好姊妹徐淑敏介紹下，認識當時剛被楊秀惠飛的金融闊少 Ray，二人火速同居。近年沈卓盈工作不多，專心等嫁。

向來黐身的 Ray，對沈卓盈也是全天候服侍，買零食都要孖住。

Ray跟楊秀惠拍拖時，經常陪她開工、鳩嗚，連體出動。

沈卓盈現正和黎耀祥拍新劇《公公出宮》，但她的戲份並不多。

沈卓盈和媽媽感情親厚，沈母一直希望她有個好歸宿。

不能容忍

忍一時忍唔到一世，受家暴女藝人，通常都是因為第一次採取容忍態度，第二、第三次才陸續有來。

林欣彤

被爆遭男友 Ben家暴的林欣彤，被指 13年與初戀男友翻撻，男友因發現她出軌，夜以繼日進行監視，二人經常嘈交甚至不時有碰撞，受創的林欣彤因不捨多年情原諒對方，去年 Ben又再次出手，令她眼部紅腫，終告分手收場。

趙頌茹

跟周永恒奉子成婚的趙頌茹，婚後專心做家庭主婦照顧兩個女，去年初，阿 Yu發現丈夫跟助手 Ruby有染，二人多次為此爭吵；去年八月，躁底周永恒郁手，導致阿 Yu下巴受傷，要到醫院縫針。阿 Yu之後避返娘家，但周永恒未有悔意，還發短訊恐嚇要殺死她再自殺。

鍾意就快D Share啦！

下一篇 》