中午開始，逾二百人於將軍澳東港城中庭排隊，參與日清主辦的「我的合味道工作坊」，巿民可以透過設計杯身、配搭湯底與材料，製作「自家杯麵」。「最多（高峰期）應該有5、600人，等咗兩個幾鐘，就到我哋，畀佢cut咗龍（截隊）。」劉先生於下午1時許開始排隊，等了１小時仍有數百人未能購票製作杯麵，惟當他排到準備可以用20元購買入場券時，卻突然被截隊，「打咗好多個蛇餅，大混亂」，引發現場巿民齊聲鼓譟。
「有冇搞錯呀，問你同事話有飛我哋先排！」現場有不少巿民與職員理論，有人一度情緒激動，亦有人指「好嬲，特登過海嚟」，有小朋友更不敢行開如廁。其後主辦單位派出負責人即場解釋，劉先生表示：「個日本人（職員）講咗一個鐘，淨係道歉。」令他大感不滿主辦單位安排，直言為「PR災難」，極為失望。經過一番理論後，最後主辦單位才決定明晚加開一場活動。
| 數百人於東港城中庭排隊製杯麵，一度鼓噪。（右為讀者劉先生提供圖片） |  排隊人士一度與職員理論。（讀者劉先生提供圖片） |  門票售罄，引起排隊人士不滿。（讀者劉先生提供圖片） |
|
鍾意就快D Share啦！
|
|
|