掃呢頁CODE去手機

2015年5月16日 星期六

大佬孝邵仲衡返嚟喇 大佬孝返嚟喇 邵仲衡,



大佬孝邵仲衡返嚟喇 大佬孝返嚟喇



其他影片:>>






AV女狂冧 影視圈爭住用 大佬孝返嚟喇

《大時代》重播令飾演大佬孝丁孝蟹的邵仲衡人氣反彈,尤其劇中他的型男look令不少女觀眾着迷。據悉近日無綫、有線、nowTV、舞台劇和電影公司紛紛打大佬孝主意。為再戰江湖,大佬孝積極減磅,瘦了十多磅的他昨與三位日本AV女優出席電子遊戲活動,三女一見大佬孝即時冧爆獻殷勤,嚇得大佬孝硬晒軚以手遮住「小蟹」。

現年51歲的邵仲衡,在《大時代》飾演的型爆大佬丁孝蟹深入民心,該劇重播更令他工作接踵而來,就連Sony PlayStation推出「人中之龍0」中文版遊戲,也睇中大佬孝,昨邀他與三位有份演出該遊戲的日本AV女優湊莉久、朝倉琴美和栗林里莉出席尖沙嘴The ONE舉行的宣傳活動。



■成功減磅的邵仲衡昨以黑幫大佬形象出席電子遊戲活動,令AV女優湊莉久、朝倉琴美和栗林里莉全程冧爆。

同麥長青演兄弟

據悉,無綫、有線、nowTV、內地電影公司和多位香港導演也有意力邀大佬孝出山,導演郭子健昨表示為大佬孝度身訂做了一個類似《激情手足》電影,他說:「會安排佢做拳手,同麥長青、李中寧做三兄弟,臨出賽時因為受傷由細佬頂上,仲打咗幾場,係一個好勵志嘅古仔。」至於導演葉念琛自言少時就是看邵仲衡的劇集大,他說:「有機會梗係想,佢好有男人味,會拍番類似孝蟹呢類有男人味嘅角色,最想係搵埋其他幾隻蟹陶大宇同郭政鴻一齊出鏡。」而有線執行董事曾展章,以及nowTV副總裁金廣誠昨也表示有興趣邀大佬孝參與節目。



■大佬孝與湊莉久玩傳食物遊戲時以手遮住「小蟹」,莫非怕有生理反應?

近日大佬孝積極減磅再戰江湖,由原來二百磅減到一百八十多磅,他昨以遊戲中的黑幫大佬形象出席活動,身形明顯較之前消瘦。魅力十足的大佬孝昨直認工作增多說:「最近的確多咗好多工作,例如舞台劇、電影。舞台劇係演漫畫《火鳳燎原》入面其中一個角色,估唔到今次出番嚟都幾有趣,有好多offer。」舞台劇之外,原來還有電影和電視台找上門,大佬孝頓成搶手貨,他說:「電影、電視劇都有搵我,無綫都有人搵我。自己自由身,人哋考慮我,我𧄌飯應啦。」



【92年型到爆】

■《大時代》大佬孝迷倒不少女粉絲。

資料圖片



【去年肥嘟嘟】

■去年十月邵仲衡接受本報專訪時身形脹爆,體重達二百磅。

資料圖片



【𠵱家勤健身】■

為強勢回歸,邵仲衡近日積極減磅。互聯網圖片

怕老婆唔敢贒女

昨日活動一開始,大佬孝便上台說:「我冇做大佬好耐!」隨後三位女優上台,大佬孝第一時間與她們恭敬地握手及拍照,全程目不斜視,謙謙君子,台上司儀見狀忍不住笑說:「大佬孝成個人硬晒,真係又硬又直!」大佬孝直認因為怕老婆:「如果對方着得少衫,更加要留意喇!不過我冇睇AV好多年,我年紀做得佢阿爸。」現場大佬孝與湊莉久玩百力滋傳薯圈遊戲時,全程以手遮住「小蟹」,莫非他害怕面對誘人女優時有生理反應?他笑說:「手唔係擺前就擺後,我隻手生得長,邊有咁多反應吖!」當他被AV女優摸腰時,顯得渾身不自然,相反三位AV女優一邊玩遊戲,一邊擺出各種甫士,令台下圍觀粉絲們興奮尖叫。

採訪:張俊銘、何永寧

攝影:陳俊強



■邵仲衡被指與麥長青似樣,原來二人於87年參加《超級新星大賽》。

圖片

鍾意就快D Share啦!