早排5月頭，楊愛瑾（Miki）約埋未婚夫郭永淳同餅碎Angela，仲有兩男一女朋友，成車人去大坑開餐。冇拖手，亦冇攬腰，兩位知道俾《壹》仔鏡頭隊住，都唔敢太張揚，不過兩位永遠喺對方三步範圍之內，好似老夫老妻！
4月尾嗰陣，Miki親認被男友喺冰天雪地嘅芬蘭下跪求婚，8年地下情終於見得光。可能見朋友喺度，佢兩個都唔好意思放閃，不過剩係開餐黐住坐，兩位都夠晒開心。
食飽鬆人，Miki亦好自然咁傍住男友行，日光日白一齊出街，唔使再前後腳，前郭太Constance亦終於放手，話「祝福他們永遠幸福」，Miki真係一天都光晒！
