| 世榮表示會勸掂家強和Paul放下成見，Beyond年底將會開慈善騷，屆時會請埋太極、草蜢同達明一派齊齊唱。 | next 1/1 pre |
 | |
| 世榮（中）稍後會約家強（右）和Paul傾開騷事情。 | next 1/1 pre |
 | |
| Beyond開騷目的是宣揚家駒的愛心精神。 | next 1/1 pre |
 | |
| 2005年，世榮（左起）、家強和Paul三子舉行完告別演唱會後便宣告正式解散，三人最後一次同台已是2008年的事。 | next 1/1 pre |
 | |
| 希望今次演出令家強（右）與Paul和好如初。 | next 1/1 pre |
 | |
| 世榮（右）帶出道的樂隊Ever亦有份演出。 | next 1/1 pre |
 | |
| 太極 | next 1/1 pre |
 | |
| 草蜢 | next 1/1 pre |
 | |
| 達明一派 | next 1/1 pre |
1983年成立的Beyond一直是樂壇搖滾班霸，雖然隊中主音黃家駒在1993年不幸發生意外離世，但其他隊員黃家強、黃貫中（Paul）和葉世榮仍繼續以三人組合的姿態繼續發展。直到2005年，三子舉行完告別演唱會後便宣告正式解散，三人最後一次同台已是2008年的事。
世榮與是非絕緣
然而在家駒去世後，圍繞Beyond的是非從未間斷，其中家強和Paul的牙齒印更是多不勝數，水火不容的兩子更一度反面！家強亦強調了很多次，Beyond不會再合體。對於種種是非，世榮如同局外人般，對兩人恩怨沒有發聲，甚至去年家強在微博大爆Beyond解散內幕乃因Paul不想再養世榮，他都沒有理會是非。可是，近日世榮卻打破沉默，更宣布三人將在年底合體開騷，這將會是他們相隔七年再次同台！
約埋太極草蜢達明一派
世榮向《東網》表示，近日在網上得知有人以紀念黃家駒為名於今年家駒生忌當日舉行紀念演唱會，據悉，由世榮一手帶出道的樂隊Ever更有份演出，對此他有感而發：「最唔開心有份演出嗰個人係我識，但事前冇知會過我，就連家駒家人都冇通知，雖然都多謝仲有咁多人掛住家駒。但我覺得啲小朋友唔識禮貌，雖然佢哋有心搞，但一定都要通知家駒嘅家人，希望佢哋之後做人處事會成熟啲。」之後他就謂一直以來，很多歌迷期望三人可以和好合體開騷，隨即自爆今年年底有意在紅館舉行一場真正紀念家駒的慈善演唱會：「今次我會做發起人，已經着手籌備緊，到時仲會邀請同Beyond同期嘅樂隊組合力撐，好似太極、草蜢、達明一派。」
拍心口拉家強Paul上台
世榮希望藉演唱會宣揚家駒的愛心精神：「可以教下一代包容同愛，喺我心中家駒係不死，相信佢知道我哋嘅理念都會好支持。」但講到開騷最大的困難是撮合已反面的家強和Paul，對此世榮拍心口表示有信心可以說服他們：「相信以家駒名義搞演唱會，佢哋會放低成見，一齊做好個騷，日內都會約佢哋兩個出嚟一齊傾，畀啲時間我哋。」但他承認重組Beyond需要很多因素，不是一朝一夕的事，所以今次算是重聚，不過他很有信心可以做好這個騷。
原諒年少氣盛亂講嘢
當講到之前家強爆料謂Beyond解散原因是Paul不想再養世榮，對此世榮不介意地說：「嗰陣後生，口不擇言，個個都多嘢講，有時講咗啲嘢傷害到人哋都唔知，其實我都唔知佢有冇咁講過，不過我都唔會放上心，無論講啲乜都唔會摧毀到我哋幾廿年嘅兄弟情。」
另外，記者就家駒紀念騷一事致電樂隊Ever主音，但未有回覆。
|
鍾意就快D Share啦！
|
|
|
