的士同巴士，都可以話係「搵食車」，有時喺路上面爭位，可以話係在所難免，不過爭位爭到好似呢位的士司機同巴士司機咁，都可算離奇喇。
話說，剛啱有網民上載一片兩分幾鐘嘅短片，一開始就見到有架的士泊埋路邊，司機落車衝上架巴士度，的士司機猛鬧巴士司機，「咩事呀依家？你睇唔睇到，我打晒燈佢（巴士司機）仲俾油『隊』埋嚟，想點x樣呀」，跟住又係一連串嘅粗口，猛鬧巴士司機。
難得巴士司機好忍得，一直唔出聲，仲若無其事咁閂門開車，的士司機即嗌，「你咪x開車呀！」巴士司機睬你都儍，繼續開車，的士司機再嗌，「停車呀」，巴士司機終於還擊，「入錢呀！」的士司機竟然死死氣拎銀包出嚟「嘟」八達通。
跟住的士司機繼續猛咁叫停車俾佢落，巴士司機繼續唔理，卒之搞到的士司機投降，「算x數啦好唔好呀，當我唔啱喇，拍硬檔，我真係要走呀老細，當我唔啱喇OK？」由爆粗猛鬧到投降耍冧，的士司機喺短短時間內急轉彎，都咪話唔犀利。
難怪唔少網友睇完條片，紛紛留言，「巴士一車有成百個乘客 的士載滿就得五個人 點解的士佬咁鍾意將自己果（嗰）幾個人嘅利益凌駕係百幾個乘客之上」、「又要威，又帶頭盔嘅事例」、「個的士佬最多米（咪）上車廢up兩句米（咪）落返車，雖然粗口咗小小，但最後連錢都比（俾）埋。之後個巴士佬一邊渣（揸）車，一邊用手黎（嚟）指住的士佬仲講D（啲）我一句都聽唔明既野（嘅嘢），同行車時渣（揸）住電話黎（嚟）傾有咩分別。究竟邊個令到乘客危險D（啲），我真係睇唔透」。
話說，剛啱有網民上載一片兩分幾鐘嘅短片，一開始就見到有架的士泊埋路邊，司機落車衝上架巴士度，的士司機猛鬧巴士司機，「咩事呀依家？你睇唔睇到，我打晒燈佢（巴士司機）仲俾油『隊』埋嚟，想點x樣呀」，跟住又係一連串嘅粗口，猛鬧巴士司機。
難得巴士司機好忍得，一直唔出聲，仲若無其事咁閂門開車，的士司機即嗌，「你咪x開車呀！」巴士司機睬你都儍，繼續開車，的士司機再嗌，「停車呀」，巴士司機終於還擊，「入錢呀！」的士司機竟然死死氣拎銀包出嚟「嘟」八達通。
跟住的士司機繼續猛咁叫停車俾佢落，巴士司機繼續唔理，卒之搞到的士司機投降，「算x數啦好唔好呀，當我唔啱喇，拍硬檔，我真係要走呀老細，當我唔啱喇OK？」由爆粗猛鬧到投降耍冧，的士司機喺短短時間內急轉彎，都咪話唔犀利。
難怪唔少網友睇完條片，紛紛留言，「巴士一車有成百個乘客 的士載滿就得五個人 點解的士佬咁鍾意將自己果（嗰）幾個人嘅利益凌駕係百幾個乘客之上」、「又要威，又帶頭盔嘅事例」、「個的士佬最多米（咪）上車廢up兩句米（咪）落返車，雖然粗口咗小小，但最後連錢都比（俾）埋。之後個巴士佬一邊渣（揸）車，一邊用手黎（嚟）指住的士佬仲講D（啲）我一句都聽唔明既野（嘅嘢），同行車時渣（揸）住電話黎（嚟）傾有咩分別。究竟邊個令到乘客危險D（啲），我真係睇唔透」。
|
鍾意就快D Share啦！
|
|
|
