【短片】【吳浩康翻版】難忍Eddie屢偷食 朱慧敏決延婚期
2015-05-16 00:20:00
一邊在拍攝劇集《愛‧回家》，可是收工回到家……愛，是否還在……
今晚喺西環堅尼地城電車總站同馬壯黎諾懿拍happy ending嘅朱慧敏，頭先有個break，即再接受傳媒訪問，表現大方鎮定。
問及心情是否平伏了一點？朱慧敏表示:「……要冷靜……。」又不斷向傳媒重申:「其實佢(未婚夫Eddie)係一個好人，佢真係一個好人。」那是否好人到關懷其他女仔？朱慧敏聞言，神情平靜，未有回應。朱慧敏又謂，雖然有晒相有晒片，但唔一定代表事實之全部，故需要再了解究竟真相為何。
至於方才第一次訪問中，朱慧敏指男方有前科，依家佢就話:「又唔可以咁講，有好多嘢我未清楚知道……我係……佢係一個好人，無可否認佢係一個好好嘅人，心地好善良。但去到婚姻嘅時候，可能我哋嘅相處同價值觀……我哋兩個都需要磨合同進步，去成長。」
兩口子本來積極籌備婚禮，卻爆出Eddie一再偷食事件，仲斷正，令朱慧敏難過之餘，亦面目無光。問到酒席安排進展如何？朱慧敏表示:「依家由佢先，應該會延期。我個人…我係希望要延遲，因為畢竟係真係…我哋之間係有啲嘢需要處理咗先。唔同話拍拖、談戀愛咁樣樣，我哋都三十幾歲人喇，婚姻同戀愛係兩樣嘢。我相信呢件事係好好嘅……俾我哋兩個一個磨練同成長機會。有好多關口我哋要過，如果過到，咁就非常之好啦，即係……都係希望前面開花結果……嗰個目標。」
那可有一刻諗過唔想結婚住？朱慧敏諗咗一諗，謂:「依家我答唔到你。」咁Eddie有冇搵你？朱慧敏話男方有打過俾佢。
那現在可有同Eddie同居？朱慧敏平靜說:「一路無同居。」
之前吳浩康因為屢偷食仲斷正，上埋周刊封面，終令鍾舒漫心死，取消婚事；如今朱慧敏亦坦言將婚事延期，但就謂與第三者無關。朱慧敏話:「其實本身已冷戰一個月，唔關第三者事，係平時傾嘢有爭拗……」
採訪、攝影:梁繼光、吳耀輝
|
鍾意就快D Share啦！
|
|
|
