九把刀認與女友分手 結束十年情
台灣著名作家、《那些年，我們一起追的女孩》導演九把刀，喺上年嘅時候，背住插畫家女
友小內偷食，同中視靚女記者周亭羽到汽車旅館開房(新聞連結：http://goo.gl/fifwEw )，事後九把刀選擇了正印女友小內。不過喺昨日，九把刀就認同拍拖已10年的女友分咗手。
昨日柯震東喺台北實踐大學演講，本來九把刀只係坐喺台下做觀眾，點知突然被叫上台，原本佢就拎緊柯震東同李毓芬嘅緋聞講笑，但突然有同學問起九把刀嘅感情狀況，於是九把刀就坦承已經同女友分咗手，仲話已經分咗一段時間喇。事後，台灣蘋果日報向九把刀經理人公司求證，證實九把刀同小內係分咗手，但就未知原因。
