熱爆娛樂: 揭泰國高人指點　洗米嫂全白衫抗狐 [忽然1周 - 1036] 洗米嫂,周焯華,洗米華,陳慧玲,MW,

2015年6月5日星期五

揭泰國高人指點　洗米嫂全白衫抗狐 [忽然1周 - 1036] 洗米嫂,周焯華,洗米華,陳慧玲,MW,

搵人打救

雖然老公洗米華人前人後交足戲，但 Mandy仍不時「唔聲唔聲」殺出奇招，現在還為周家生出「華種」，怪不得洗米嫂都要找高人打救《蘋果日報》圖片

打頭陣

揭泰國高人指點　洗米嫂全白衫抗狐

女人嘅戰爭，從來最襟睇，由一年前開始在網上互相過招，到近日埋身鬥生女，洗米華（太陽娛樂揸 fit人周焯華）正印 Heidi和小三 Mandy「搶米」爭奪戰愈演愈烈。

論 B行賞，有傳進擊 Mandy生女後，獲贈三億物業和現金，小三更要 B女跟「周」姓，甚至要求獲賜「名份」。

小三步步進逼，一直保持克制的洗米嫂，為捍衞家庭完整，據知去年尾到泰國拜訪高人。得高人指點迷津，她半年來頻頻穿白衫、戴白色佛珠，力抗狐狸。為防 Mandy帶 B女蒲頭，她更向老公「下令」，要小三兩年內禁足港、澳兩地。由於擔心老婆再受刺激，加上眼見 Mandy不斷放料，洗米華今次亦罕有順從老婆意思，落令 Mandy長留英國湊女。

其他影片：>>Mandy女旺洗米華　洗米 B仔好火
>>洗米華生 B女勁開心
>>B女名另有所指
>>Mandy Lieu一胎值 2億！
>>Mandy Lieu被放逐英國

搶閘生 B

有報道指， Mandy在英國時間 5月 20日，搶閘於倫敦一家私家婦科醫院為周家誕下 B女。產後不足十小時，就迅速在周焯華陪同下與 B女齊齊出院。

剛為澳門賭業猛人洗米華剖腹誕下 7磅「小米女」 Damiana周善潼的正印 Heidi（陳慧玲），截至 6月 3日仍在養和醫院休息。而剛成為雙料爸爸的洗米華，自從由倫敦返港後，亦乖乖向老婆交人，除了上周六 41歲生日（ 5月 30日），陪老婆入院分娩，隨後數天亦頻頻進出醫院，陪伴華嫂，做個稱職老公及爸爸。

29/12為老爺慶生

洗米華舉家到泰國為老爺慶生時， Heidi所選三點式泳衣亦是白色。

18/2同遊日本

與洗米華在日本旅行時， Heidi亦身穿白色羽絨。

6/3太陽娛樂春茗

太陽集團春茗當日， Heidi以白色晚裝長裙現身，與老公前後腳到場。

26/4澳門慈善晚宴

挺住 7個月巨肚的 Heidi，穿上白色低胸吊帶裙出席澳門《君慧慈善會慈善晚宴》。

12/5香港慈善晚宴

Heidi出席香港《君慧慈善會慈善晚宴》時，則穿上白色連身裙，更與小肥合影。

29/5入院生 B

臨盆在即， Heidi亦穿上白色長裙，由洗米華一家總動員陪同到醫院分娩。

產前爆冷戰

Po相還擊

上周六（ 30日）， Heidi誕下 B女 Damiana後，於 facebook post牽着 B女手仔的溫馨照片報喜。

洗米嫂 Heidi生 B女本為開心事，可是在自己臨盆前三日，竟然有雜誌圖文並茂報道，指小三 Mandy搶閘在五月二十日 520（普通話諧音：我愛你）生 B女，此舉無異刺中 Heidi死穴。知情人透露：「 Mandy之前俾人影過做人肉坐墊，同洗米華激咀嗰陣又咁啱俾人影到。洗米嫂一早知小三放料俾相熟傳媒，但冇諗過 Mandy咁毒，喺自己就生嗰陣，搵人去英國影佢同個 BB出院嘅相。佢憎小三，不過今次更嬲自己個老公！」據知， Heidi入院前，經常在家中以淚洗面，而且瞓唔安亦食唔落。洗米華見狀，亦花盡心思希望𠱁掂老婆。可惜由於今次已超越 Heidi底線，據知兩公婆在入院前曾經陷於冷戰。

請教高人

洗米華當洗米嫂公主看待，豪擲逾 8千萬購下私人直升機讓老婆隨時返澳門，唔使同人逼。

以往做人小三，明知自己唔見得光，都必定鬼鬼祟祟，偷偷摸摸。可是，史上最進擊的小三 Mandy，自去年開始，一次一次出招向洗米華正印 Heidi挑機。面對如此兇悍對手，篤信泰國象佛的洗米嫂，半年前一家到泰國旅遊時，曾得高人指點迷津。知情人說：「 Heidi其實份人好簡單，佢只係想一家人齊齊整整。佢知泰國象神係利夫妻關係和順，所以就請嗰邊師傅幫佢作福。有高人教佢要着白色衫，佩戴白色物件先可以趕走小三。個師傅仲送咗條白色珠鏈俾佢，話可以遠離小人。洗米嫂都好聽話，你見佢自從舊年尾開始，出親嚟由頭白到落腳。」

白衫愛神辟狐狸精

有高人指點洗米嫂 Heidi，穿白色衣服及佩戴白色物件就可以鞏固正印地位，擊退小三，更指泰國愛神有助穩定夫妻感情。對於「進擊的小三」 Mandy連番高調出招，屢受打擊的洗米嫂亦冇晒符，惟有求神問津。對於 Heidi頻着白衫抗小三，據麥玲玲表示：「今年屬大火年，從 Heidi命格嚟睇，會有感情困擾，由於佢命格利金，所以着白色衫可以穩定同丈夫感情，正所謂一白擋三煞，亦有利擊退身邊人嘅桃花。至於拜泰國佛，如果可以令信眾心安理得，都會係一件好事。」

Heidi受到泰國高人指點，除了要穿白色衣服外，更要入鄉隨俗，拜奉位於泰國專司美貌、愛情和婚姻的「愛神」，並打造佛牌，就可使婚姻美滿，打走小三。

兩年禁足港澳

雖然 Mandy今次生女戰奪得先機，但此舉等同殺雞取卵，其過於進取舉動終於辣㷫洗米華。知情人續說：「華哥出嚟行咁耐，郁下條尾都知你想點。之前佢已經 warn（警告）過 Mandy好多次，要佢安份守己，唔好再搞小動作，錢一定唔會缺。不過今次傳媒連英國都跟到，仲要係老婆生前幾日先出報道。畢竟華哥有老婆有仔女有家人，佢亦都俾長輩親友鬧。華哥覺得 Mandy搞到佢好煩，呢幾日， Mandy有打電話俾華哥，不過華哥都冇覆過佢。」

仍在養和留院的 Heidi，日前亦對老公開出「盤口」，要求小三 Mandy兩年內不得現身港、澳兩地。為免老婆再受刺激，洗米華亦口頭應承。

未爆出 Mandy生女前，由倫敦趕返港的洗米華，被拍到與 Heidi雨中結伴逛街濕平。當時洗米嫂一身白色打扮。《蘋果日報》圖片

Heidi和鄺美雲老友鬼鬼，去年聖誕二人出席旗下拍賣行 party。戴上鑽石鏈和着上粉紅 dress code裙的 Heidi，以老闆娘姿態，與鄺美雲在現場打點。

3億獎金獎品

Mandy Lieu去年獲洗米華贈價值 9,133萬的西半山豪宅作訂情禮物外，今次她為周焯華（洗米華）誕下一女，又再得 2億獎金獎品，真是母憑女貴！

倫敦億元豪宅

面積 3,500呎的 5層排屋豪宅，價值 900萬英鎊（約 1.08億港元），用作 Mandy和女兒在英國的居所。

吉隆坡千萬豪宅

洗米華在吉隆坡買了一棟價值千萬的獨立屋，給 Mandy度假時住。

現金獎

獲贈 1億港元現金獎，作生女禮物。

拍賣行打骰

長留英國

Mandy Lieu搭上洗米華後，幾乎要風得風，但今次觸到 Heidi底線，加上辣㷫 Honey，除非洗米華啖氣消咗，否則她便要長留英國湊女。

除了抽時間陪伴 Heidi，據知一向闊綽的洗米華，早前亦將旗下的拍賣行交由老婆打骰，同時亦送贈價值 8,000萬的私人直升機。知情人續說：「 Heidi之前一直同華哥講想搞美容生意，不過華哥唔想佢咁操勞，所以冇即時應承。但其實華哥一直將件事放喺心上。舊年佢同 Cally（鄺美雲）一齊合作搞拍賣行，華哥就諗住將拍賣行交俾 Heidi打骰，等佢過吓日辰！睇得出華哥真係好錫老婆。」