秋生啱啱拍完新戲《選老坐》收工，但仲 keep住個長髮 look，睇造型真係有啲老年 Johnny Depp嘅《魔盜王》 feel。
媽咪姐
黃秋生霸氣魔盜王
早幾日，下晝時份，喺銅記嘅時代廣場見到近日忙緊拍杜汶澤新戲《選老坐》嘅黃秋生，見佢成個 Johnny Depp《魔盜王》咁款，睇嚟應該係拍完戲收工。
當日天口真係好㷫，見到排隊等的士嘅秋生哥依然 full gear上陣，死唔除帽除衫，型爆。話說 54歲嘅秋生哥唔止外表霸氣，仲不平則鳴，好似佢喺網上見到有兩個粗口冇品阿姑，喺地鐵發癲狂鬧立法會議員陳志全（慢咇），即刻喺 facebook向呢兩個阿姑開炮。成日話自己已收火嘅秋生哥，依然有火㗎！呢鋪，媽咪姐都撐你。
