掃呢頁CODE去手機

2015年6月5日 星期五

「晨冰戀」愈難愈愛 [忽然1周 - 1036] 晨冰,范冰冰,李晨,MW,



周三( 3日)下午,范冰冰只係寫咗 24個字,同一張拖住手嘅背影相,就講晒佢有幾愛李晨。

媽咪姐

「晨冰戀」愈難愈愛

入行 18年、緋聞多到數唔晒嘅范冰冰,呢次用「我們」高調宣布同李晨拍拖,仲拍住拖飛去西藏參與探訪活動,睇嚟認定咗李生喇!不過轉頭俾男友前度張馨予喺微博酸住祝福,又俾人屈係「小三」,要李晨度咗封信爆張小姐勾佬,真係好睇過膠劇。












「晨冰戀」依家愛得咁痴纏,媽咪姐都戥范冰冰開心,佢話最睇重男友嘅人品:「其實可能就是他了,可能會跟他開心走下去。(結婚?)看某人夠不夠努力了﹗」媽咪姐知道冰冰為咗呢段戀情,付出好多。為免女尊男卑,出到去見人,她總會俾足面男友,做佢背後嘅女人。但係李生冧女功都唔弱㗎!有時連阿媽都出動埋,又真係抵佢追到范爺嘅。

3/6

周二( 2日)由西藏阿里參加完公益活動返拉薩,李晨喺室內一直擔遮擋鏡頭,范冰冰就喺佢身後,低頭行拉住男友手臂。

李晨以一句「我們」,冰冰再轉一句「我們」,就交代咗「晨冰戀」。有時愈簡單先係最幸福。

29/5

水晶冧女

李晨最鍾意送心形石冧女,歷任女友每人都有,范爺時有揸手。但原來人妻楊冪都收過禮物,仲係最愛嘅水晶兔仔。

小鳥依人

強勢如范冰冰都有怕醜時,睇佢挨住男友李晨個樣,散發住幸福氣息。

前幾日張馨予忽然酸爆祝福舊愛李晨,又話最後一次留言,轉頭又連發幾條微博。搞到李晨食緊飯都要寫近 5百字還擊,踢爆張小姐劈腿。

前度又點?

當日張馨予用吳卓羲 account發牀照,冇幾耐吳生就俾大台放入雪櫃,解凍後冇再力捧。依家佢去咗蘇州同強國女演員米露拍《最佳前男友》(如圖)。

鍾意就快D Share啦!