Mandy Lieu由「霧水情人」變成「氣焰高嘅小三」，由暗交人夫周焯華(洗米華)做人肉座墊到去英國水中分娩生B女，Mandy明係向大婆挑機，隔空同周太Heidi喺網上「開火」，Heidi好友更稱Mandy為「少衫」，之不過，洗米華目前「十日抱兩」，老婆Heidi同女友Mandy都為佢生咗個女，當然「生B者」均有賞。
今日有周刊指，Mandy生完囡囡後，就收咗三億物業同現金，包括西半山豪宅、倫敦五層3,500呎的億元豪宅及吉隆坡千萬獨立屋，囡囡又跟洗米華姓周，據知，Heidi為咗捍衛家庭，亦未有趕絕Mandy，該報道指，Heidi上年年尾去咗泰國拜訪高人，望高人指點如何抗「狐狸」，有指Heidi呢排不時着白色衫、戴白色佛珠，有傳可以鞏固正印地位，又求泰國愛神助穩固兩公婆嘅感情，仲要求老公落order，唔畀Mandy現身香港、澳門兩地，洗米華為咗顧住老婆嘅面子，洗米華都決定叫Mandy長居英國湊女。
有傳今次洗米華喺外面留「華種」，又親自去英國陪住Mandy接B出院，已超越大婆嘅底線，曾有指Heidi生女前拒見老公，兩公婆陷入冷戰，據報道講，洗米華都知有人向媒體放料，知情者仲向周刊透露，洗米華之前已警告Mandy好多次，叫佢安份守己， 唔好搞太多小動作，點知今次Mandy喺英國生B過程被人影晒，喺老婆生之前報道出嚟，搞到洗米華俾長輩鬧，盛傳洗米華呢幾日冇聽Mandy電話。
該報道指，為咗彌補Heidi，洗米華除咗抽多咗時間做稱職老公，亦買咗架8,000萬嘅私人直升機送畀老婆，更將旗下拍賣行交畀老婆打骰，不過洗米華現階段正努力補鑊，有傳佢打算喺澳門買一座價值億元嘅別墅送畀Heidi。
| (資料圖片) |  真係有白色佛珠喺手。(資料圖片) |  同老公一齊行。(資料圖片) |
 成日穿白衫!(資料圖片) |  (資料圖片) |  (facebook圖片) |
 (facebook圖片) |
|
鍾意就快D Share啦！
|
|
|
