阿 Lam同太極合唱〈真的漢子〉、〈敢愛敢恨〉，仲讚佢哋：「 30年搵個朋友都唔易，何況夾 band 30年！」
媽咪姐
太極勝在有 face
紅色的跑車是帶着神秘，零星的街燈充滿樂與悲…… yoyoyo！一見到太極，媽咪姐收埋喺牀下底嘅音樂細胞即刻湧晒出嚟！啱啱睇咗佢哋入行 30年演唱會，全場真係勁 high呀，首首都識跟住唱唔在講，仲要啲嘉賓個個都係天皇巨星，抵睇到呢！
主音雷有暉介紹阿 Lam出場嗰陣仲話：「以下呢位朋友好鍾意瞓覺，佢 10點鐘就要瞓！」嘩！唔係堅 friend，邊敢咁講笑呀。着住牛仔褸嘅阿 Lam仲爆結他手 Joey Tang要求佢着西裝上台，醒目嘅雷有暉即刻補飛：「西部牛仔裝 ok！」點知阿 Lam真係勁 high，又唱又講 overtime咗，搞到雷有暉都忍唔住話：「唔好講咁多喇，趕住返去瞓。」
嗱，唔止阿 Lam唔捨得走，年年 25歲嘅譚校長都同成班溫拿戰友齊齊上台玩，仲一上台就衰衰咁笑人：「嘩！你哋唱咗 30年喇！」到俾人反問溫拿唱咗幾多年，校長就鬼馬咁話：「點知呀？吖，今晚氣氛好好，紅色私家車唱咗未？」噢，校長你好「爛」呀！
|
鍾意就快D Share啦！
|
|
|
