白媚娘 [忽然1周 - 1038] MW,

高貴有型

名人潮

白媚娘

俗語有話「一白遮三醜」，白白淨望上去梗係 sharp醒啲，不過只限於皮膚。個個女人都知，白色衣物特別難搞，放上身分分鐘將肥位無限放大。今個夏天唔少女藝人大膽挑戰，出動連身白裙，優雅突出，散發清純魅力，即時 young咗十年。

貼士

白色衫褲出名難襯， Ricky指跟足 4個貼士，包冇出事。

勿撞沉色

白衫撞啡、灰等沉色極悶，可以拼金、銀、螢光色，成個感覺 sharp好多。

着重剪裁

淺色易顯肥，切忌揀娃娃裝、上身太闊變孕婦裝。

濃妝錯配

白色打扮感覺清純，要襯 nude色淡妝，突出青春感覺。

忌喱士 Bra

質感透薄嘅白衫，好易透出內衣，應揀淨色簡單款，忌着喱士款變 cheap。

Ralph& Russo

Ports 1961

關之琳　 Louis Vuitton

Ricky評︰「佢高瘦嘅身形，當然 carry到金色通花裙。白吊帶背心打底，貴氣型格。對金色鞋先係成個打扮嘅重點，令佢變得新潮後生。」

劉嘉玲　 Alessandra Rich

霸氣時尚

Ricky評︰「佢打扮一向都好出色，呢條中性搭女性化嘅特別裙款，完全難佢唔到，好有時代感。不過略嫌配頸鏈太多嘢，轉埋露趾涼鞋會更好。」

桂綸鎂　 Louis Vuitton

誘人突出

Ricky評︰「配襯簡單自然，好舒服嘅春夏感覺。通花裙透出黑色 bra，性感健康。裙長度適中，配埋貼身短 boots，將成個人嘅比例拉長。」

何倍倩　 Ports 1961

自然美感

Ricky評︰「平日見開佢嘅名媛打扮，今次好有新鮮感。 Jumpsuit入膊設計，騷到佢鎖骨、手臂，配埋金色尖頭鞋、手鐲，性感有型。」

范冰冰　 Ralph& Russo

濃妝嚇人

Ricky評︰「呢條裙誇張得來幾好睇，不過呢個潔白打扮，完全唔啱咁濃妝、 set得咁行嘅頭，感覺生硬，好似洋娃娃咁。」

薛凱琪　 Vivienne Westwood

過分貪心

Ricky評︰「身形纖瘦嘅佢，當然有條件着白色。不過呢條裙款過分複雜，配埋頸鏈再加誇張髮型，望上去好多嘢，成個打扮 over晒。」

何超蓮

青春得體

Ricky評︰「佢五官突出，靚樣好襯呢種女性化打扮，好有淑女 feel。壓花裙款剪裁突顯腰線，身形比例好好。設計簡單利落嘅露趾涼鞋，有畫龍點睛效果。」

Profile

著名形象指導郭慶彬（ Ricky Kwok），定期被邀到巴黎時裝周欣賞大牌 fashion show。近年他做埋潮店老闆，於銅鑼灣開時裝店。

鍾意就快D Share啦！

下一篇 》