全城熱爆的娛樂八封新聞 & 時事趣聞 & 生活 + 趣聞
做藝人扮鬼扮馬梗要有一手，但原來特首女梁齊昕都唔弱，自從一年前放自殘相上網後，就一直俾人話佢癲癲得得，之後又消失過一排。近日梁齊昕又再高調出席活動，仲巧遇阿 Bob，一齊扮鬼臉，佢唔食呢行飯認真嘥晒喎！
特首女梁齊昕講過想入娛樂圈，又話想做 model，不過佢嘅神化表現嚇窒唔少人。離家出走一排，今日梁齊昕又好正常咁現身，拍住出名扮嘢勁嘅阿 Bob，仲唔介意晒住胸咁鬥豬嘴扮醜影相。
喺鏡頭面前成日都扮鬼扮馬嘅王祖藍，家陣雖然結咗婚，搞鬼性格依然改唔到，頭戴浴帽都擺出一個好冧嘅表情，仲扮歪嘴低能樣，真係服咗佢。
型男任達華平時影親相都係 chok住影，不過今次好例外，佢同老婆琦琦齊齊貼上「二撇雞」，仲有好姣嘅眼線加水汪汪嘅眼神，唔知華哥呢個雌雄同體 look大家又 like唔 like呢？
今年 69歲嘅秦沛，係人都知佢呢位甘草演技好得，真係估唔到佢對住鏡頭，夠膽擺個 hip hop扮 yo嘅甫士，成個大細路上身，返老還童咁樣呀！
嗰頭華哥就貼「二撇雞」，呢頭陳嘉桓就扮美人生鬚，不過呢執鬚係用棉花糖做嘅，仲要係好浪漫嘅粉紅色呀，影完呢張相嘉桓 BB就可以將撇鬚一啖食落肚喇！
