保險老公疑偷食 譚小環好忍得 [忽然1周 - 1038] 譚小環,小環,MW,

42歲嘅譚小環，每次同老公出嚟都表現甜蜜，佢話自己從來都係小女人。睇小環件格仔恤着咗 N咁多次，（只係呢兩版就出現咗 3次！），就知佢真係好賢惠㗎！

媽咪姐

保險老公疑偷食　譚小環好忍得

媽咪姐成日同啲姊妹講，好多時啲嘢都係你睇我好，我睇你好㗎咋！唉，就好似我最 like嘅平民港姐譚小環吖，啱啱就有雜誌影到佢做保險公司高層嘅老公蔡強榮，同個長髮索女喺圓方密會。明明之前見佢哋夫妻恩愛，老公仲打本俾小環開舖做魚蛋皇后㗎，乜個世界變得咁快嘅咩？

其他影片：>>譚小環老公暗角攬索女
>>譚小環：要去啲地方係冇人影相

媽咪姐梗係第一時間收風咁啲保險界嘅好姊妹就話，小環老公蔡強榮 17歲出嚟做嘢， 21歲開洋服舖，後尾做保險仲做到風生水起，依家係區域總監，旗下有成 800人，慣咗點人㗎！而小環好崇拜佢老公，次次做跟得夫人去保險公司啲活動都好小鳥依人，乜都聽晒老公話。

仲有，阿蔡生把口一向𠺘過油，𠱁客𠱁女仔一樣掂，婚前婚後都多女埋身！只係以前佢少出鏡，冇乜人留意。但上年小環創業賣魚蛋，兩公婆成日孖住見報，多咗人認得佢，今次密會索女咪俾人斷到正一正囉！

不過自認係女人仔嘅小環選擇撐老公，話佢同長髮索女只係普通聚會，但就話唔識個女仔。而老公蔡強榮亦「嗱嗱聲」補鑊，話同長髮索女識咗好多年，所以玩起嚟有啲樂極忘形喎。

即係咁啦，既然同個索女咁老友，做乜咁多年都唔介紹俾老婆識呀？請人去小環檔口食串魚蛋，認識吓嘛，咁咪無咁多懷疑囉！都係嗰句啦，好嘢要珍惜。 Miss咗，追唔番㗎！

周三（ 17日）報道譚小環老公同索女喺圓方身貼身、拉手密會。七年之癢？唔通男人真係咁身痕？

周三（ 17日）偷食報道出街後，記者去小環位於銅鑼灣嘅小食店守候，但平時日日落舖嘅佢，失咗蹤！一班夥計亦封口。

𠱁女至醒

蔡強榮喺社會打滾多年，𠱁女真係有一手！今年嘅情人節，佢就豪請小環去中環嘆日本菜，仲記得兩人第一次約會都係食日本嘢。試問女人點會唔冧？

啱啱蔡生仲換咗架最出名嘅「溝女戰車」法拉利，引死女是常識！

小環除咗忙住賣魚蛋同搞手作店生意，佢最近仲上咗網上「毛記電視」做嘉賓，真係忙到睇唔住老公㗎！

錫老婆先有運行㗎！

小環超聽話

89年港姐季軍梁佩瑚同蔡強榮做過緋聞情人，但之前蔡生仲請佢同細佬梁焯皓去公司 annual dinner，叫埋老婆譚小環一齊影相。小環仲企正梁小姐隔籬，好聽話呀！

多女圍

蔡強榮位至保險公司區域總監，而保險經紀出名多靚女。誘惑咁多，定力少啲都出事。

蔡強榮雖然年紀唔細，但依然坐唔定，不時約埋蒲友上山詩鈉、杜德偉等去食飯飲嘢，深閨嘅小環就唔會次次參與。

港姐殺手

梁佩瑚

早年，蔡強榮曾經同 89年港姐季軍梁佩瑚拍拖，據聞仲談婚論嫁，不過拍拖年幾之後，都係和平分手。

唔講大家可能唔記得，小環老公蔡強榮係早年嘅「港姐殺手」！佢做保險公司高層，識飲識食識講笑，成功吸到至少 3位港姐埋身，個個都係三甲之選嚟！

專一冠軍

譚小環 94年當選港姐冠軍，一度係信和賣相女皇，要收兵都有排揀！但佢一直零緋聞，用情專一，只係遇人不淑囉。

99年，小環同郭富城專用排舞師 Sunny撻着，之後就減少幕前演出，幫男友搞生意。點知 04年發現 Sunny偷食羅明珠，小環忍痛斬纜，復出幕前。《蘋果日報》圖片

06年，情傷剛癒嘅小環，被蔡強榮猛烈追求，兩人拍拖 1年後，喺洲際擺酒結婚。希望蔡生今日仲記得同老婆講過乜嘢「愛的宣言」

05年，蔡強榮同梁佩瑚好友向海嵐撐枱腳被撞破，跟住 06年頭又孖住去腳底按摩， so sweet！估唔到同年 2月，蔡生嚟個「華麗轉身」，喺泰國攬譚小環， 07年 9月結埋婚。

向海嵐

譚小環

圖片

鍾意就快D Share啦！

下一篇 》